Viltu bætast við í hóp kennara á yngsta stigi

Við auglýsum eftir umsjónarkennara á yngsta stig, metnaðarfullum einstaklingi sem býr yfir frumkvæði og vill bætast við þriggja kennarateymi í góðu og jákvæðu umhverfi. Við erum að bæta við umsjónarkennara þar sem nemendum hefur fjölgað í árgangi.

Árbæjarskóli er heildstæður grunnskóli staðsettur í einstöku umhverfi Elliðaárdalsins. Nemendur eru rúmlega 730 talsins en skólinn er safnskóli á unglingastigi. Starfsmenn skólans eru um 100 og er starfsandi mjög góður. Boðið er upp á fjölbreytt og skapandi nám sem stuðlar að alhliða þroska nemenda með það að markmiði að nemendur verði sjálfstæðir og skapandi einstaklingar í síbreytilegu samfélagi. Skólinn leggur ríka áherslu á vandaða móttöku allra nemenda. Við skólann starfar öflugt foreldrafélag og samvinna við foreldra og grenndarsamfélag er gott.