Vilt þú starfa við að efla gæði barnaverndarþjónustu?
Gæða- og eftirlitsstofnun velferðarmála (GEV) leitar að öflugum sérfræðingi með menntun á sviði félagsvísinda eða lögfræði, til starfa hjá stofnuninni. Um er að ræða krefjandi og spennandi stöðu sem heyrir undir fagteymi barnaverndarþjónustu.
Gæða- og eftirlitsstofnun hefur samkvæmt lögum nr. 88/2021 eftirlit með gæðum þjónustu sem veitt er m.a. á grundvelli ýmissa laga um velferðarþjónustu. Hlutverk fagteymis barnaverndarþjónustu er að hafa eftirlit með gæðum þjónustu sem veitt er á grundvelli barnaverndarlaga, laga um Barna- og fjölskyldustofu og laga um samþættingu þjónustu í þágu farsældar barna. Verkefnin felast meðal annars í úrvinnslu kvartana og ábendinga, rannsóknum á alvarlegum atvikum, frumkvæðiseftirliti, úrvinnslu rekstrarleyfisumsókna og úttektum fyrir ráðherra. Önnur verkefni GEV eru að þróa gæðaviðmið á grundvelli bestu mögulegu þekkingar á málaflokkum á verkefnasviði stofnunarinnar og safna upplýsingum, halda skrár og vinna úr upplýsingum frá þeim sem lúta eftirliti stofnunarinnar.
Hjá GEV starfar metnaðarfullur og lífsglaður hópur sérfræðinga sem hefur ástríðu fyrir málaflokknum.
Leitað er að öguðum og jákvæðum einstaklingi sem er góður liðsmaður og býr yfir þekkingu á sviði barnaverndar og opinberrar stjórnsýslu.
- Dagleg vinnsla eftirlitsverkefna er heyra undir fagteymi barnaverndarþjónustu.
- Verkefni er heyra undir ytra eftirlit GEV.
- Úrvinnslu umsókna um rekstrarleyfi.
- Þáttaka í mótun ferla, verklags og viðmiða fyrir verkefni teymisins.
- Þátttaka í öðrum verkefnum innan stofnunarinnar.
- Stuðningur við innra eftirlit þjónustuaðila.
- Samskipti við þjónustuþega, opinberar stofnanir og samstarfsaðila.
- Samvinna og þátttaka í verkefnum þvert á teymi stofnunarinnar.
- Háskólamenntun, svo sem á sviði félagsvísinda eða lögfræði er mikill kostur.
- Framhaldsmenntun sem nýtist í starfi er mjög mikill kostur.
- Þekking og reynsla á sviði barnaverndarþjónustu er mikill kostur.
- Þekking og reynsla á sviði stjórnsýslu er mikill kostur.
- Góð greiningarhæfni og færni í framsetningu niðurstaðna.
- Framúrskarandi samskiptahæfni, jákvæðni og samstarfshæfni.
- Sjálfstæði í starfi og ögun í vinnubrögðum.
- Gott vald á íslensku og ensku bæði í ræðu og riti.
Íslenska
Enska
