Verkfræðingur eða tæknifræðingur í iðnaðardeild

Verkfræðistofan Norconsult á Íslandi kemur að fjölbreyttum og metnaðarfullum verkefnum um allt land og víðar. Í iðnaðardeild fyrirtækisins er unnið að ráðgjöf, hönnun og forritun stjórnkerfa fyrir fjölbreytta starfsemi.

Vegna áframhaldandi aukinna umsvifa leitum við nú að verkfræðingi eða tæknifræðingi til starfa í iðnaðardeild fyrirtækisins. Við leitum að einstaklingi sem hefur áhuga á stjórnkerfum og vill taka þátt í fjölbreyttum verkefnum.

Hjá Norconsult á Íslandi færð þú tækifæri til að vera hluti af öflugu teymi sérfræðinga með stuðningi eins stærsta ráðgjafafyrirtækis Norðurlanda.

Helstu verkefni og ábyrgð

• Ráðgjöf í tengslum við stjórnkerfi
• Hönnun, forritun og viðhald stjórnkerfa
• Forritun vegna gangasöfnunar

Við leitum að aðila með

• Háskólamenntun í verkfræði eða tæknifræði
• Reynslu af vinnu við stjórnkerfi er kostur
• Þekking á gagnagrunnum er kostur
• Góða tölvukunnáttu
• Frumkvæði og sjálfstæð vinnubrögð
• Góða samskipta- og samstarfshæfni

Fríðindi í starfi eru til að mynda

• Tækifæri til að koma að metnaðarfullum og samfélagslega mikilvægum innviðaverkefnum hjá ört vaxandi stofu með sterkan starfsanda og mikla þekkingu
• Árleg tækifæri til hlutabréfakaupa á sérkjörum
• Glæsileg vinnuaðstaða í nýju húsnæði að Dalvegi 30A, í hjarta Kópavogs
• Frábært mötuneyti og líkamsræktaraðstaða í byggingunni
• Íþrótta- og samgöngustyrkur
• Símtækjastyrkur, greiddur farsímareikningur og heimanettenging
• Sveigjanlegur vinnutími

Um Norconsult

Norconsult á Íslandi er partur af alþjóðlegu ráðgjafafyrirtæki og jafnframt stærstu verkfræðistofu Noregs með yfir 7500 starfsmenn þar sem verkefnin spanna frá skipulagi innviða til verkfræði og arkitektúrs. Á íslandi eru unnin verkefn af ýmsum toga á sviðum iðnaðar og orku, innviða, mannvirkja og framkvæmda.

Á Íslandi starfa um 90 manns, þar af um 30 í verk- og tæknifræði og 60 í arkitektúr í sjálfstæðum einingum.

Nánari upplýsingar um vinnustaðinn finnur þú á nýrri heimasíðu www.norconsult.is.

Umsóknarfrestur er til og með 24. ágúst 2026.

Sótt er um starfið á www.vinnvinn.is

Umsjón með starfinu hafa Unnur Ýr Konráðsdóttir ([email protected]) og Jensína Kristín Böðvarsdóttir ([email protected]).