Laus störf Hæfnileit Vinnustaðir Námskeið

Þjónustustöð Mosfellsbæjar

Þjónustustöð Mosfellsbæjar sér um alla almenna þjónustu við bæjarbúa á sviði tækni- og umhverfismála, svo sem snjóruðning, viðhald og rekstur gatna, holræsa, veitna, umferðarmannvirkja og opinna svæða. Þjónustustöð sér einnig um viðhald á fasteignum bæjarins auk rekstur stærri tækja og bíla. Undir starfsemi Mosfellsveitna heyra þau verkefni sem snúa að málefnum vatnsveitu, fráveitu og hitaveitu innan Mosfellsbæjar. Verkefnin eru eins fjölbreytt og þau eru mörg og snúa meðal annars að nýlögnum heimæða hita- og vatnsveitu ásamt almennu eftirliti, viðhaldi og endurnýjun veitumannvirkja.

Vinnustaðurinn

Verkefnastjóri véla og tækja

Við hjá Þjónustustöð Mosfellsbæjar leitum að kraftmiklum og þjónustulunduðum verkefnastjóra til að sinna fjölbreyttum störfum með góðum hópi starfsfólks.

Verkefnastjóri véla og tækja ber ábyrgð á ökutækjum og vélum Þjónustustöðvar og sinnir vélavinnu sem krefst iðnmenntunar og meiraprófs.

Helstu verkefni og ábyrgð

Hefur eftirlit og umsjón með ökutækjum og vélum
Hefur umsjón með löggiltum skoðunum á tækjum
Sér um viðhald og viðgerðir á ökutækjum og vélum
Sinnir eftirliti með færð og ástandi vega skv. áætlun
Tekur bak- og útkallsvaktir skv. áætlun
Sinnir snjómokstri og hálkuvörnum stíga
Sinnir öðrum verkefnum Þjónustustöðvar eins og þarf

Menntunar- og hæfniskröfur

Vélamaður skal hafa iðnmenntun innan vélvirkjunar, bifvélavirkjunar eða öðru sem nýtist við viðgerðir á vélum og ökutækjum
Farsæl reynsla af áþekkum störfum
Góð almenn tölvukunnátta og þekking á forritum eftir því sem við á hverju sinni.
Góðir samskiptahæfileikar og skipulagshæfni
Frumkvæði og jákvætt viðhorf
Nákvæmni og samviskusemi
Góð hæfni til að tjá sig í rituðu og töluðu máli, bæði á íslensku og ensku
Hreint sakavottorð
Meirapróf og vinnuvélaréttindi skilyrði