Laus störf Hæfnileit Vinnustaðir Námskeið

Háskólinn í Reykjavík

Hlutverk Háskólans í Reykjavík er að skapa og miðla þekkingu til að auka samkeppnishæfni og lífsgæði fyrir einstaklinga og samfélag með siðgæði, sjálfbærni og ábyrgð að leiðarljósi. Stefna Háskólans í Reykjavík er að vera öflugur kennslu- og rannsóknaháskóli með áherslu á tækni og samfélag. Kjarnastarfsemi Háskólans í Reykjavík er kennsla og rannsóknir í sterkum tengslum við atvinnulíf og samfélag, þar sem áhersla er lögð á þverfagleika, alþjóðleg viðmið, nýsköpun og faglega þjónustu. Starfsemin mótast af persónulegum tengslum og virðingu fyrir samfélagi og umhverfi.

Vinnustaðurinn

Verkefnastjóri kennslukerfa

Kennsluþróun HR leitar að framsýnum og lausnamiðuðum samstarfsfélaga til að gegna fjölbreyttu og krefjandi hlutverki við stuðning, þróun og þjálfun í notkun á stafrænum kennsluverkfærum með áherslu á kennslukerfið Canvas. Starfið hentar einstaklingi sem hefur áhuga á að efla gæði náms og kennslu í háskólaumhverfi, ásamt því að styðja og þjálfa kennara í notkun á kennslukerfum skólans. Um er að ræða 50% starfshlutfall.

Helstu verkefni

Almenn þjónusta við notendur kennslukerfisins Canvas
Ráðgjöf og stuðningur við kennara háskólans í Canvas og öðrum kennslukerfum
Aðkoma að skipulagi, framkvæmd vinnustofa/ þjálfunar og fræðsluviðburðum þegar kemur að kennslukerfum háskólans
Gerð og þróun leiðbeininga og stuðningsefnis fyrir kennara í notkun kennslukerfa háskólans
Þátttaka í innleiðingu og þróun nýrra stafrænna kennsluverkfæra
Þátttaka í umbótaverkefnum á sviði kennsluþróunar

Hæfniskröfur

Háskólapróf sem nýtist í starfi
Reynsla af notkun Canvas eða annarra kennslukerfa er mikill kostur
Mjög góð færni í upplýsingatækni og hæfni til að tileinka sér ný stafræn verkfæri
Mjög góð færni í að miðla þekkingu og veita þjálfun á skýran og hvetjandi hátt
Frumkvæði í starfi ásamt skipulagshæfni og faglegum vinnubrögðum
Teymishugsun, lipurð, mjög góð hæfni í mannlegum samskiptum og rík þjónustulund
Reynsla af kennsluráðgjöf, fræðslu eða sambærilegu starfi er kostur
Þekking og reynsla af háskólastarfi er kostur
Kunnátta í forritun er kostur
Þekking eða reynsla af notkun gervigreindar í námi og kennslu er kostur
Mjög gott vald á íslensku og ensku, í ræðu og riti

Umsóknum um starfið þarf að fylgja ferilskrá og kynningabréf. Nánari upplýsingar um starfið veitir Hrefna Pálsdóttir ([email protected]), forstöðukona Kennsluþróunar og Mannauðsdeild HR, ([email protected]).

Umsóknarfrestur til og með 01.03.2026. Umsóknum skal skilað á vef Háskólans í Reykjavík. Farið er með allar fyrirspurnir og umsóknir sem trúnað.

Æskilegt er að viðkomandi geti hafið störf ekki síðar en í maí.

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 3.600 í sjö deildum og starfsfólk er um 330 talsins, auk 350 stundakennara.

Auglýsing birt18. febrúar 2026

Umsóknarfrestur1. mars 2026

Tungumálahæfni