Laus störf Hæfnileit Vinnustaðir Námskeið

Háskólinn í Reykjavík

Háskólinn í Reykjavík undirbýr samfélagið fyrir framtíðina. Við stöndum framarlega á alþjóðavísu í að skapa og miðla þekkingu með siðferði, jafnræði og sjálfbærni að leiðarljósi. Háskólinn er hreyfiafl í þróun atvinnulífs og samfélags, með virku samstarfi og menntun sem mætir þörfum þeirra. Háskólinn býður framúrskarandi nám, stuðning og starfsaðstöðu. Hann styrkir nemendur í að byggja brýr á milli fræðigreina, tengir þau við atvinnulíf og býður upp á námsleiðir sem hægt er að sníða að eigin hæfni og áhugasviðum. Í rannsóknarstarfi leggur háskólinn áherslu á samvinnu, skapandi hugsun og heilindi. Háskólinn er driffjöður nýsköpunar í gegnum hagnýtingu rannsókna og þjálfun fyrir alla nemendur. Sjálfbærni er undirliggjandi þáttur í námi, rannsóknum og rekstri háskólans.

Vinnustaðurinn

Verkefnastjóri á Alþjóðasviði HR

Háskólinn í Reykjavík óskar eftir að ráða verkefnastjóra á Alþjóðasvið HR í fullt starf. Á Alþjóðasviði starfa nú þrír einstaklingar í leit að þeim fjórða til þess að gera teymið okkar enn öflugra. Í boði er spennandi og fjölbreytt starf í metnaðarfullu og lifandi háskólaumhverfi þar sem alþjóðlegt samstarf, fagleg umsýsla og teymisvinna eru í fyrirrúmi.

Kjarnaverkefni

Stuðningur við erlenda nemendur sem koma í nám til Íslands - visa, dvalarleyfi, undirbúningur fyrir flutning, móttaka og inngilding
Umsýsla Erasmus+ styrkja
Umsýsla blandaðra námskeiða ásamt teymi (Blended Intensive Programmes)
skipulag og utanumhald styttri nemendadvala
samstarf við deildir og erlenda samstarfsaðila
stuðningur við móttöku, ferla og framkvæmd
Teymisvinna með öðrum verkefnatjórum skrifstofunnar hvað varðar ráðgjöf og umsýslu skiptináms nemenda
Þátttaka í erlendu samstarfi (samstarfsnet, ráðstefnur og móttaka erlendra gesta)
Skipulagning viðburða á vegum alþjóðasviðs ásamt ásamt teymi
Önnur tilfallandi verkefni á alþjóðasviði

Hæfniskröfur

Háskólamenntun sem nýtist í starfi
Mjög góð færni í ensku og íslensku bæði í töluðu og rituðu máli.
Reynsla af alþjóðasamstarfi og fjölmenningarleg færni
Mikil skipulagshæfni og nákvæmni í vinnubrögðum
Gott vald á upplýsingatækni
Rík þjónustulund og lipurð í mannlegum samskiptum
Geta til að vinna sjálfstætt sem og í teymi
Sveigjanleiki, frumkvæði og lausnamiðuð nálgun
Reynsla af skiptinámi eða þekking á Erasmus+ menntaáætlun Evrópusambandsins er kostur

Viðkomandi þarf helst að geta hafið störf 1. maí. Með öllum umsóknum skal fylgja ferilskrá og kynningarbréf.

Umsóknarfrestur er til og með 25. febrúar. Nánari upplýsingar um starfið veitir Guðlaug Matthildur Jakobsdóttir, forstöðukona Alþjóðasviðs HR, [email protected] eða mannauðsdeild HR, [email protected]

Háskólinn í Reykjavík hefur haslað sér völl sem öflugur rannsóknaháskóli á alþjóðavísu. Háskólinn stenst samanburð við erlenda háskóla í fremstu röð og fræðafólk skólans hefur náð framúrskarandi árangri. Kennsla og rannsóknir við Háskólann í Reykjavík mótast af sterkum tengslum við atvinnulíf og samfélag. Lögð er áhersla á þverfaglegt samstarf, alþjóðlegt umhverfi, nýsköpun og góða þjónustu.

HR er eftirsóknarverður vinnustaður og þar er lögð áhersla á fyrsta flokks aðstöðu í nærandi umhverfi, persónuleg samskipti, framsæknar kennsluaðferðir og nútímalega starfshætti. HR fagnar fjölbreytileika og mikið er lagt upp úr jafnrétti og virðingu fyrir einstaklingum og störfum þeirra. Nemendur Háskólans í Reykjavík eru um 3.600 í sjö deildum og starfsfólk er um 330 talsins, auk 350 stundakennara.

Auglýsing birt12. febrúar 2026

Umsóknarfrestur25. febrúar 2026

Tungumálahæfni