Laus störf Hæfnileit Vinnustaðir Námskeið

Seðlabanki Íslands

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af trausti, fagmennsku, þekkingu og framsækni.

Vinnustaðurinn

Verkefnastjóri í verkefnastofu umbóta

Seðlabanki Íslands óskar eftir að ráða metnaðarfullan og þjónustulundaðan einstakling í starf verkefnastjóra í deild verkefnastofu umbóta á sviði gagna og umbóta.

Á sviði gagna og umbóta eru starfandi tvær deildir. Annars vegar deild verkefnastofu umbóta sem hefur umsjón með verkefnastýringu umbótaverkefna innan Seðlabanka Íslands. Hins vegar deild gagnamála sem annast söfnun, greiningu og auðgun gagna sem notuð eru til að uppfylla hlutverk Seðlabankans og í miðlun upplýsing á hans vegum.

Verkefnastjóri ber ábyrgð á undirbúningi, stýringu og eftirfylgni umbótaverkefna í samræmi við stefnu og markmið bankans. Hann tryggir að verkefni séu vel skilgreind og framkvæmd á skilvirkan hátt og stuðlar að samfellu við aðra starfsemi bankans.

Helstu verkefni og ábyrgð

Taka virkan þátt í forgangsröðun og mótun verkefna.
Undirbúa verkefni með því að skilgreininga markmið, umfang, áhættur og hagsmunaaðila.
Stýra umbótaverkefnum í samræmi við verkefnaáætlun.
Skipuleggja og leiða fundi, vinnustofur, verkefnateymi og tryggja að skýr sameiginlegur skilningur sé um hlutverk og ábyrgð.
Tryggja virkt upplýsingaflæði, reglulegar stöðuskýrslur og góð samskipti.
Fylgjast með framvindu verkefna, greina frávik og grípa til úrbóta eftir þörfum.
Meta árangur verkefna, skila lokaskýrslu og miðla lærdómi til að efla þekkingu og ferla.
Stuðla að stöðugum umbótum á verkefnastofu og ferlum tengdum henni.

Menntunar- og hæfniskröfur

Framhaldsmenntun á háskólastigi sem nýtist í starfi t.d. í viðskiptafræði, verkfræði eða tölvunarfræði.
Umtalsverð reynsla af verkefnastýringu á stórum og flóknum verkefnum.
Reynsla af vinnu í Jira eða sambærilegum hugbúnaði.
Alþjóðavottun eða menntun í verkefnastjórnun er kostur.
Leiðtogahæfni og drifkraftur til að hvetja og virkja aðra til árangurs.
Framúrskarandi skipulags, samskipta- og greiningarfærni og hæfni til að vinna sjálfstætt og með öðrum.
Hæfni til að tjá sig og miðla flóknum upplýsingum á áhrifaríkan hátt í ræðu og riti á íslensku og ensku.

Frekari upplýsingar veita Guðríður Lilla Sigurðardóttir forstöðumaður verkefnastofu umbóta ([email protected]) og Árni Ragnar Stefánsson sérfræðingur á mannauðssviði ([email protected]). Umsóknarfrestur er til og með 17. nóvember.

Um er að ræða 100% starfshlutfall með starfsstöð í Reykjavík. Sótt er um starfið á heimasíðu Seðlabanka Íslands, www.sedlabanki.is/storf. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin. Vakin er athygli umsækjenda á því að um ráðningarferlið gilda m.a. stjórnsýslulög nr. 37/1993, upplýsingalög nr. 140/2012 og lög um réttindi og skyldur starfsmanna ríkisins nr. 70/1996.

Auglýsing birt10. nóvember 2025

Umsóknarfrestur17. nóvember 2025

Tungumálahæfni