Laus störf Hæfnileit Vinnustaðir Námskeið

HS Veitur hf

HS Veitur eru framsækið þekkingar- og þjónustufyrirtæki í veitustarfsemi sem telst til mikilvægra innviða. Hjá HS Veitum starfa um 100 starfsmenn á fjórum starfstöðvum sem sinna margvíslegum störfum. Fyrirtækið þjónar mörgum af stærstu fyrirtækjum landsins og eru íbúar á veitusvæði HS Veitna rúmlega 84 þúsund. Í fyrirtækinu ríkir jákvæður starfsandi sem einkennist af sterkri liðsheild og virðingu í samskiptum.

Vinnustaðurinn

Verkefnastjóri

HS Veitur hf. leita að metnaðarfullum og lausnamiðuðum verkefnastjóra til að taka þátt í skipulagningu og framkvæmd fjölbreyttra verkefna fyrirtækisins.

Við leitum að drífandi einstaklingi sem hefur áhuga á að verkefnastýra framkvæmda- og innri umbótaverkefnum með áherslu á breytingarstjórnun. Viðkomandi mun gegna lykilhlutverki í að innleiða verkefnamiðað skipulag hjá fyrirtækinu í samstarfi við sérfræðinga og stjórnendur.

Starfið felur í sér ábyrgð á framgangi verkefna frá hugmynd til verkloka í nánu samstarfi við sérfræðinga, stjórnendur, aðrar deildir. Verktími verkefna getur verið frá nokkrum mánuðum upp í 1–3 ár.

Mikil uppbygging á sér stað á veitusvæðum HS Veitna vegna íbúafjölgunar, atvinnuuppbyggingar og orkuskipta. Þá vinnur fyrirtækið einnig að spennandi innri þróunar- og umbótaverkefnum sem tengjast innleiðingu verkefnamiðaðs skipulags og nýrra vinnubragða.

Við leitum að einstaklingi með framúrskarandi skipulags- og samskiptahæfileika, sem getur tekist á við fjölbreytt og krefjandi verkefni, unnið markvisst undir álagi og leitt verkefnin til árangurs.

Um er að ræða fjölbreytt starf í faglegu og uppbyggilegu starfsumhverfi.

Helstu verkefni og ábyrgð

Verkefnastjórn stórra framkvæmdaverkefna og innri umbótaverkefna.
Undirbúningur, skipulagning og framkvæmd verkefna.
Mótun verk-, tíma- og kostnaðaráætlana og eftirfylgni með þeim.
Samskipti og samhæfing milli sérfræðinga, hönnuða, ráðgjafa, birgja, verktaka og eftirlitsaðila.
Tryggja að verkefni séu unnin í samræmi við gæðakerfi, öryggiskröfur og lögbundnar reglur.

Menntunar- og hæfniskröfur

Verkfræði-, tæknifræði- eða sambærileg menntun.
Reynsla af verkefnastjórnun í verklegum framkvæmdum og/eða hönnunarverkefnum.
Reynsla af breytingastjórnun
Góð færni í verkáætlun, kostnaðarstýringu, eftirfylgni og upplýsingagjöf.
Vottun eða menntun í verkefnastjórnun (t.d. PMP, Prince2 eða sambærilegt) er kostur.
Skipulagsfærni og hæfni til að leiða og samhæfa ólíka aðila.
Frumkvæði, þjónustulund og sjálfstæði í starfi.
Jákvætt, uppbyggilegt og lausnamiðað viðhorf.
Gott vald á íslensku og ensku.

HS Veitur

HS Veitur eru framsækið þekkingar- og þjónustufyrirtæki í veitustarfsemi sem telst til mikilvægra innviða. Hjá HS Veitum starfa um 100 starfsmenn á fjórum starfstöðvum sem sinna margvíslegum störfum. Fyrirtækið þjónar mörgum af stærstu fyrirtækjum landsins og eru íbúar á veitusvæði HS Veitna rúmlega 84 þúsund.
Í fyrirtækinu ríkir jákvæður starfsandi sem einkennist af sterkri liðsheild og virðingu í samskiptum.

Nánari upplýsingar veitir Jóna Hrefna Bergsteinsdóttir mannauðstjóri í síma 860-5213 eða [email protected] og Kristján Örn Kristjánsson forstöðumaður tækni og nýsköpun í síma 840-5501 eða [email protected]

Umsóknarfrestur er til og með 24. Nóvember.

Umsóknum skal fylgja ferilskrá ásamt kynningarbréfi með rökstuðningi um hæfni í starfið.
Farið verður með allar umsóknir sem trúnaðarmál.

Umsóknir berist í gegnum alfred.is

Við hvetjum áhugasama aðila, óháð kyni, til að sækja um.

Auglýsing birt10. nóvember 2025

Umsóknarfrestur24. nóvember 2025

Tungumálahæfni