Háskóla-, iðnaðar- og nýsköpunarráðuneytið

Háskóla-, iðnaðar- og nýsköpunarráðuneytisins var stofnsett 1. febrúar 2022 og við leggjum af stað með það markmið að skapa frábæran vinnustað sem einkennist af metnaði, krafti og skemmtilegum vinnuanda.

Vinnustaðurinn

Verkefnastjóri Eyvarar NCC-IS

Háskóla-, iðnaðar- og nýsköpunarráðuneytið leitar að einstaklingi sem dreymir um að útrýma hvers kyns svikapóstum og annarri netóværu. Þú þarft ekki að vita allt um eldveggi og vírusvarnir - en löngun til að vinna með fólki sem veit allt um eldveggi og vírusvarnir er æskileg.

Við viljum fá í okkar hóp metnaðarfullan og skapandi einstakling sem er tilbúinn að setja sinn drifkraft í að hafa umsjón með starfsemi Eyvarar, samstarfsvettvangs fræðslu, menntunar og rannsókna á sviði netöryggis.

Til að byggja megi upp framúrskarandi hæfni og nýtingu á netöryggistækni á Íslandi er mikilvægt að tryggja aðgengi að góðri og fjölbreyttri menntun á sviði netöryggis og stuðla að auknum rannsóknum og nýsköpun á sviðinu.

Í háskóla-, iðnaðar- og nýsköpunarráðuneytinu gefast ótal tækifæri til að móta og skapa framtíðina í ráðuneyti sem ætlar sér að vera leiðandi í verkefnamiðuðu og árangursdrifnu vinnulagi.

Helstu verkefni og ábyrgð

Umsjón samstarfsvettvangs fræðslu, menntunar og rannsókna á sviði netöryggis á Íslandi - Eyvör (e. National Coordination Centre of Iceland - NCC-IS)
Stuðla að virku samstarfi samstarfsaðila Eyvarar og vera tengiliður Íslands við Evrópska hæfnisetrið í netöryggi (e. European Cybersecurity Competence Centre)
Útbúa skýrslur og kostnaðaráætlanir til framkvæmdastjórnar ESB um starfsemi Eyvarar
Vinna að stefnumótun um uppbygginu þekkingar á sviði netöryggis á Íslandi í samvinnu við samstarfsaðila Eyvarar
Þátttaka í starfsemi Evrópska hæfnisetursins og NCC-samstarfshóps (NCC-Network)
Miðla upplýsingum, útbúa greinargerðir og kynningar á sviði net- og upplýsingaöryggis
Samskipti við hagaðila á málefnasviðinu
Önnur verkefni innan ráðuneytisins eftir því sem við á

Menntunar- og hæfniskröfur

Háskólapróf sem nýtist í starfi
Þekking og reynsla af verkefnastjórnun
Þekking og reynsla á sviði net- og upplýsingaöryggis er mikill kostur
Reynsla á sviði stefnumörkunar er kostur
Geta til að vinna undir álagi, þrautseigja og aðlögunarhæfni
Mjög gott vald á íslensku og ensku í ræðu og riti
Hæfni til að miðla upplýsingum á skýran og greinargóðan hátt
Frumkvæði, ábyrgð, sveigjanleiki, samskiptalipurð í starfi og góð framkoma er mikilvæg

Laun samkvæmt gildandi kjarasamningi sem fjármála- og efnahagsráðherra og FHSS áður Kjaranefnd hafa gert.

Um er að ræða fullt starf sérfræðings á skrifstofu framkvæmdar og stjórnsýslu. Jafnframt kemur til greina að ráða annan sérfræðing á grundvelli þessarar auglýsingar. Æskilegt er að viðkomandi geti hafið störf sem fyrst. Laun eru samkvæmt kjarasamningi Félags háskólamenntaðra starfsmanna Stjórnarráðsins. Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 1000/2019 um auglýsingar á lausum störfum.

Laun samkvæmt gildandi kjarasamningi sem fjármála- og efnahagsráðherra og Félag háskólamenntaðra starfsmanna Stjórnarráðsins hafa gert.

Með umsókn um starfið þarf að fylgja ítarleg starfsferilsskrá og kynningarbréf þar sem gerð er grein fyrir ástæðu umsóknar og rökstuðningi fyrir hæfni umsækjanda í starfið.

Aðeins er tekið við umsóknum í gegnum Starfatorg.is.

Athygli er vakin á því að samkvæmt 7. gr. upplýsingalaga nr. 140/2012 er ráðuneytinu skylt að veita upplýsingar um nöfn og starfsheiti umsækjenda um starf þegar umsóknarfrestur er liðinn verði eftir því leitað.

Ráðuneytið leggur áherslu á jafnrétti og hvetur öll áhugasöm til að sækja um starfið.

Ráðuneytið er jákvætt fyrir störfum óháð staðsetningu.

Umsóknarfrestur er til og með 28. október.

Starfshlutfall er 100%

Umsóknarfrestur er til og með 28.10.2024