Vélfræðingur/Vélvirki
Við leitum að jákvæðum og framtakssömum einstaklingi með menntun í vélvirkjun eða vélstjórn í teymi Vatnsmiðla hjá Veitum.
Deildin ber ábyrgð á daglegum rekstri og viðhaldi dreifikerfa (borholur, geymar, dælustöðvar, hreinsistöðvar, lagnir) sem tryggja örugga og skilvirka þjónustu með áreiðanleika og sjálfbærni að leiðarljósi.
Þú verður hluti af teymi sem ber ábyrgð á rekstri og viðhaldi hitaveitu, fráveitu og vatnsveitu, sinnir þú fjölbreyttum verkefnum sem tengjast rekstri, viðhaldi og endurbótum á búnaði á höfuðborgarsvæðinu. Þú tekur þátt í daglegum rekstri dælu- og fráveitustöðva, ástandsmati, greiningu á búnaði, skipulagi viðhalds og viðhaldi kerfa sem tryggja örugga og áreiðanlega þjónustu til viðskiptavina.
- Vélstjórnarmenntun og eða sveinspróf í vélvirkjun
- Kostur ef þú hefur einnig iðnmenntun í rafvirkjun
- Ríka öryggisvitund
- Drifkraft og getu til að hugsa í lausnum
- Lipurð í samskiptum og jákvætt viðmót
- Frumkvæði og umbótahugsun
- Sjálfstæði í vinnubrögðum og góða aðlögunarhæfni
Veitur eru framsækið þjónustufyrirtæki sem tryggir aðgengi að rafmagni, hita, vatni og fráveitu. Með nýsköpun og samstarfi veitum við lífsgæði til framtíðar. Veitur eru stærsta veitufyrirtæki landsins og þjónusta ríflega 70% landsmanna.
Við leggjum áherslu á fagmennsku, frumkvæði og framsýni í allri okkar starfsemi og leitum einstaklinga sem vilja hafa raunveruleg áhrif á framtíð grunninnviða samfélagsins.
Til að vita meira um hvernig er að starfa hjá Veitum er tilvalið að heimsækja www.veitur.is/vinnustadurinn
Við erum forystuafl fjölbreytileika og jafnréttis. Rannsóknir hafa sýnt að fjölbreytileiki leiðir til betri árangurs og því hvetjum við öll sem uppfylla grundvallarskilyrði starfsins til að sækja um.
Umsóknarfrestur er til og með 9. desember 2025. Nánari upplýsingar veitir Björn Pálssson Leiðtogi viðhalds og reksturs Vatnsmiðla, [email protected]
