Velferðarsvið - Teymisstjóri ráðgjafar- og virkniteymi

Velferðarsvið Reykjanesbæjar auglýsir starf
teymisstjóra ráðgjafar- og virkniteymis laust til umsóknar.

Um er að ræða 100% starf fyrir öflugan leiðtoga á sviði félagsþjónustu sveitarfélaga sem vill ganga til liðs við metnaðarfullan hóp stjórnenda og sérfræðinga á velferðarsviði. Gerð er krafa um félagsráðgjafamenntun og góða leiðtogafærni, auk þess sem starfið gerir kröfur til rekstralegrar ábyrgðar, verkefnastjórnunnar og þverfaglegrar samvinnu.

Velferðarsvið leggur áherslu á að vinna að stefnu Reykjanesbæjar um velferð íbúa og samfélagsins til ársins 2030. Yfirskrift stefnunnar er Reykjanesbær í krafti fjölbreytileikans. Lögð er áhersla á að nýta til fulls kosti fjölbreytileikans og efla alla bæjarbúa til að búa sér og börnum sínum gott líf með virkri þátttöku í samfélaginu.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni:

• Vera leiðtogi ráðgjafar-og virkniteymis og gegna forystuhlutverki í teyminu
• Ber ábyrgð á faglegri stjórnun verkefna teymisins, mannaforráðum og úrræðum
• Ber fjárhagslega ábyrgð á þeim rekstrareiningum og útgjöldum sem falla undir teymið
• Vinna sem ráðgjafi í málefnum notenda og vera sérfræðingum teymisins til stuðnings og ráðgjafar við úrlausn flókinna mála
• Efla samstarf milli starfseininga og teyma í þágu þjónustunotenda, draga úr flöskuhálsum og hindrunum í þjónustu og byggja brýr á milli kerfa
• Taka virkan þátt í starfi stjórnendateymis velferðarsviðs
• Taka þátt í stefnumótun í velferðarmálum sveitarfélagsins
• Innleiða framtíðarsýn og stefnuáherslur sveitarfélagsins í alla starfsemi teymisins

Menntunar- og hæfniskröfur:

• Félagsráðgjöf til starfsréttinda/M.A. gráða eða önnur sambærileg menntun sem nýtist í starfi
• Sterk leiðtogafærni og framúrskarandi hæfni í mannlegum samskiptum
• Reynsla eða þekking af stjórnun verkefna, mannauðsmálum og rekstri er kostur
• Reynsla eða þekking á opinberri stjórnsýslu er kostur
• Frumkvæði, skipulögð vinnubrögð og hæfni til þverfaglegs samstarfs
• Góð íslensku-og enskukunnátta
• Hreint sakavottorð