Laus störf Hæfnileit Vinnustaðir Námskeið

Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Velferðarsvið - Starfsfólk í dagdvalir aldraðra

Velferðarsvið Reykjanesbæjar óskar eftir að ráða starfsmann í dagdvalir aldraðra. Um er að ræða tímabundna ráðningu með möguleika á fastráðningu.

Um er að ræða stöðugildi sem er 100% í dagvinnu. Dagdvöl aldraða er rekin á Nesvöllum og í Selinu.

Markmiðið með þjónustunni er að styðja aldraða einstaklinga til þess að geta búið á eigin heimilum sem lengst og rjúfa félagslega einangrun. Ásamt því að viðhalda og örva einstaklinga til betri andlegrar, líkamlegrar og félagslegrar heilsu. Starfsfólk leitast við að veita öryggi og sinna þörfum hvers og eins.

Gildi Reykjanesbæjar eru virðing, eldmóður og framsækni og mikilvægt er að viðkomandi endurspegli þau gildi í sínum störfum.

Helstu verkefni og ábyrgð

Umönnun
Aðstoð við perónulegt hreinlæti
Félagsstarf
Hvatning og stuðningur

Menntunar- og hæfniskröfur

Reynsla af starfi með öldruðum kostur
Góð íslenskukunnátta
Sjálfstæði í vinnubrögðum
Góð hæfni í mannlegum samskiptum
Jákvæðni og metnaður í starfi
Sveigjanleiki

Hlunnindi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Um 100% starf er að ræða og er æskilegt er að viðkomandi geti hafið störf sem fyrst eða eftir samkomulagi.

Launakjör eru í samræmi við samning Sambands íslenskra sveitarfélaga og viðeigandi stéttarfélags.

Sótt er um á vef Reykjanesbæjar, www.reykjanesbaer.is, undir Laus störf.

Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, ásamt upplýsingum um umsagnaraðila. Öllum umsóknum verður svarað.

Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Magdalena Ósk Hansen, í gegnum netfang [email protected] og í síma 420-3400.

Auglýsing birt17. nóvember 2025

Umsóknarfrestur1. desember 2025

Tungumálahæfni