Vaktstjóri flugvallarþjónustu Reykjavíkurflugvallar

Við leitum eftir metnaðarfullum leiðtoga sem hefur framúrskarandi samskipta- og stjórnunarhæfni og frumkvæði til að takast á við fjölbreyttar áskoranir í síbreytulegu umhverfi. Viðkomandi kemur til með að hafa daglega verkstjórn á starfsemi flugvallarþjónustu, ásamt að sjá um eftirlit og viðhald á flugvallarmannvirkjum og tækjum. Viðkomandi hefur umsjón með og framkvæmd snjóruðnings og hálkuvarna og sinnir flugverndar-, björgunar- og slökkviþjónustu.

Helstu verkefni

• Samræming og hvatning starfsfólks til að ná sameiginlegum markmiðum

• Vinnur að uppbyggilegri menningu innan deildarinnar, í samráði við aðra stjórnendur

• Eftirlit og/eða viðhald með: Yfirborði flug- og akbrauta og hlaða, öðrum athafnasvæðum, vél- og tækjabúnaði, mannvirkjum, umhverfi flugleiðsögubúnaðar, flugvallarljósabúnaði, dýralífi, öryggissvæðum flugbrauta, aðskotahlutum (FOD), merkingum og skiltum á athafnasvæðum.

• Framkvæmd á fuglafælingu, snjóhreinsun og hálkuvörnum, reglubundnum skoðunum á flugvallarsvæðinu.Skráning atvika og útgáfa flugupplýsinga í viðeigandi kerfum.

• Sinna flugverndarhlutverki s.s. öryggisleit, eftirlit með óviðkomandi umferð um flugvallarsvæðið, girðingum og hliðum allan sólarhringinn.

• Hlutverk samkvæmt flugslysaáætlun og neyðaráætlun flugverndar.

• Að sinna björgunar- og slökkviþjónustu.

• Hefur daglegt samráð og samvinnu við hluteigandi starfsmenn um verkefni sem fyrir liggja.

Hæfniskröfur

• Reynsla af stjórnun er kostur

• Meirapróf og vinnuvélapróf skilyrði

• Iðnmenntun sem nýtist í starfi er kostur

• Þekking á björgunar- og slökkviþjónustu og / eða flugvernd æskileg

• Framúrskarandi hæfni í samskiptum, samvinnu og skipulagi

• Vilji til að mynda góða liðsheild

• Góð þjónustulund, lausnamiðuð hugsun og jákvæðni

• Góð tölvukunnátta

• Góð tök á íslenskri og enskri tungu

• Standast þarf læknisskoðun ásamt þrek- og styrktarpróf