Vaktavinna í viðhaldsteymi

Við leitum að iðnmenntuðum og/eða handlögnum einstaklingi í framtíðarstarf í viðhaldsdeild félagsins. Alla jafna er unnið á dag- og næturvöktum þannig að það eru tvær til þrjár næturvaktir aðra hverja viku og dagvaktir á móti. Starfstöðin er á Laxabraut í Þorlákshöfn.

Um er að ræða frábært tækifæri til að taka þátt í spennandi verkefni þar sem verkefnin eru bæði fjölbreytt og áhugaverð. Mikil tækifæri til að þróast í starfi og bæta við sig þekkingu.

First Water leggur áherslu á faglega viðhaldsstjórnun og kemur viðkomandi til með að fá tækifæri til að taka þátt í þróun og uppbyggingu á viðhaldsstjórnunarkerfi.

Í fiskeldisstöð félagsins er margvíslegur véla- og tæknibúnaður sem krefst viðhalds og þjónustu.

Helstu verkefni og ábyrgð

• Almennt viðhald á búnaði stöðvarinnar, þ.m.t. dælubúnaði, hreinsibúnaði, fóðurbúnaði og eldiskerfum
• Rekstur á krapakerfi, fiskflutningsbúnaði og sláturkerfum

Menntunar og hæfniskröfur

• Iðnmenntun sem nýtist í starfi, t.d. vélvirkjun/bifvélavirkjun eða reynsla af viðgerðum
• Reynsla af rekstri og viðhaldi á búnaði fyrir fiskvinnslur og/eða matvælavinnslur kostur.
• Skipulögð, sjálfstæð og öguð vinnubrögð
• Frumkvæði í starfi og umbótahugsun

Nánari upplýsingar veitir Árni Viggó Sigurjónsson, viðhaldsstjóri, [email protected]

Umsóknafrestur er til og með 13.september. Byrjað verður að vinna úr umsóknum um leið og þær berast

First Water er framsækið íslenskt nýsköpunarfyrirtæki sem vinnur að uppbyggingu laxeldis á landi, og nýtir til þess náttúruauðlindir Íslands á sjálfbæran hátt. Lykillinn að velgengni félagsins mun liggja í mannauði þess og leggur félagið því ríka áherslu á öflugan hóp reynslumikils og drífandi starfsfólks.