Ungur maður óskar eftir aðstoðarmanni

Ég er 24 ára gamall Hafnfirðingur, er nemi við HÍ og mig vantar aðstoðarmann í NPA-teymið mitt. NPA byggir á hugmyndafræðinni um sjálfstætt líf fólks með fötlun.

Ég er hreyfihamlaður og þarf því aðstoð við athafnir daglegs lífs, bæði innan heimilis og utan. Vinnuaðstæður eru góðar, ég bý í góðri íbúð í Hafnarfirði með sérherbergi fyrir starfsmann og er með eigin bíl. Um er að ræða vaktavinnu í fullu starfi.

Mig vantar hraustan, jákvæðan og traustan einstakling, ekki yngri en 20 ára og með bílpróf. Hreint sakavottorð er skilyrði en ekki er gerð krafa um sérstaka starfsreynslu eða menntun.

Miðað er við að viðkomandi hefji störf sem fyrst.