Umsjónar-, íþrótta- og sundkennari og stuðningsfulltrúi
- Laus er til umsóknar staða umsjónarkennara á yngsta stigi í 100% stöðu, frá og með 1. ágúst 2025.
- Laus er til umsóknar staða umsjónarkennara á miðstigi í 100% stöðu, frá og með 1. ágúst 2025
- Laus er til umsóknar staða íþrótta- og sundkennara, ásamt annari kennslu í 100% stöðu, frá og með 1. ágúst 2025.
- Laus er til umsóknar staða stuðningsfulltrúa í 50% stöðu, frá og með 1. ágúst 2025
Djúpavogsskóli er samrekinn grunn- og tónlistarskóli með innan við 100 nemendur, þar sem lögð er áhersla á jákvæðan skólabrag, góða teymisvinnu og -kennslu og fjölbreytta kennsluhætti.
Skólinn vinnur eftir stefnum skólans, m.a. í takt við hæglætishugmyndir Cittaslow og leggur mikla áherslu á uppbyggilega skólaþróun og velferð nemenda og starfsfólks. Skólinn er í mikilli þróun með áherslu á t.d. úti- og grenndarnám, fjölbreytta kennsluhætti, Leiðsagnarnám, Heilsueflandi skóla, Uppeldi til ábyrðgar, Byrjendalæsi, samþættingu, núvitund og andlegt heilbrigði og sjálfbærni. Lögð er rík áhersla á teymisvinnu og teymiskennslu.
Við leitum að metnaðarfullum og jákvæðum einstaklingum sem eru tilbúin að taka þátt í þróunarstarfi og starfa eftir stefnu og framtíðarsýn skólans.
Umsjónarkennari:
- Annast kennslu nemenda samkvæmt meginmarkmiðum Aðalnámsskrár grunnskóla með hliðsjón af þörfum og þroska nemenda i samráði við samkennara og skólastjórnendur.
- Að annast umsjón með nemendahópi.
- Að taka virkan þátt í teymiskennslu, teymisvinnu og mótun og þróun skólastarfsins með velferð nemenda að leiðarljósi.
Íþrótta- og sundkennari:
- Að annast sund- og íþróttakennslu nemenda í skólanum, ásamt annarri kennslu.
Allir kennarar:
- Að vinna námsmat og annað á Mentor.
- Að hafa hagsmuni nemenda að leiðarljósi og stuðla að velferð þeirra samstarfi við foreldra og annað starfsfólk.
- Vinna að þróun skólastarfsins með stjórnendum og öðru starfsfólki í samræmi við stefnu skólans og sveitarfélagsins.
Stuðningsfulltrúi:
- Leitað er að aðila með hæfni til að starfa með nemendum á öllum stigum. Reynsla af vinnu með börnum er æskileg. Um 50% stöðu er að ræða.
Kennarar:
- Leyfisbréf til að nota starfsheitið kennari.
- Reynsla og þekking á fjölbreyttum kennsluháttum.
- Góð tök á íslensku í töluðu og rituðu máli.
- Frumkvæði og faglegur metnaður.
- Ábyrgð í starfi og stundvísi
- Áhugi að taka þátt í teymistarfi og þróun náms- og kennsluhátta.
Stuðningsfulltrúi:
- Menntun sem nýtist í starfi æskileg.
- Reynsla af starfi með börnum æskileg.
- Góð íslenskukunnátta.
- Samskipta- og samstarfshæfni.
- Frumkvæði og faglegur metnaður í starfi.
- Jákvæðni og sveigjanleiki.
Íslenska
