

Tæknimaður í vinnslu
First Water leitar að iðnmenntuðum eða tæknilega sterkum og handlögnum einstaklingi í framtíðarstarf við laxavinnslu félagsins í Þorlákshöfn.
Í vinnslunni er fjölbreyttur véla- og tæknibúnaður og leitum við að liðsfélaga sem hefur áhuga á viðhaldi, bilanagreiningu og umbótum. Starfið býður upp á fjölbreytt verkefni og tækifæri til að hafa áhrif á þróun búnaðar og verklags í vaxandi starfsemi.
Helstu verkefni
- Viðhald, þjónusta og bilanagreining á búnaði vinnslunnar, meðal annars slægingarvél, færiböndum, flokkara og hreinsikerfum.
- Skipulag og framkvæmd fyrirbyggjandi viðhalds ásamt skráningu í viðhaldskerfi.
- Samskipti við þjónustuaðila og birgja vegna viðgerða og varahluta.
- Þátttaka í uppsetningu búnaðar og umbótaverkefnum í samstarfi við starfsfólk vinnslunnar.
Menntun og hæfni
- Iðnmenntun sem nýtist í starfi, svo sem vélvirkjun, bifvélavirkjun eða sambærileg menntun. Góð reynsla af viðgerðum og viðhaldi kemur einnig til greina.
- Reynsla af viðhaldi véla og tæknibúnaðar er kostur, sérstaklega úr fisk- eða matvælavinnslu.
- Reynsla af viðhaldskerfum, svo sem MaintainX, er kostur.
- Hæfni til að greina bilanir og finna lausnir.
- Skipulögð og sjálfstæð vinnubrögð, frumkvæði og áhugi á umbótum.
- Góð samskiptahæfni og vilji til að vinna með öðrum.
- Rík öryggisvitund og vönduð vinnubrögð.
Nánari upplýsingar veitir Stefán Ágústsson, rekstrarstjóri, í tölvupósti á [email protected].
Umsóknarfrestur er til og með 6. desember 2026. Farið verður yfir umsóknir eftir því sem þær berast.
First Water er íslenskt fyrirtæki sem vinnur að uppbyggingu laxeldis á landi og nýtir náttúruauðlindir Íslands með sjálfbærni að leiðarljósi. Öflugt starfsfólk er undirstaða uppbyggingarinnar og við leggjum áherslu á fagmennsku, samvinnu og stöðugar umbætur.











