Laus störf Hæfnileit Vinnustaðir Námskeið

Ráðgjafar- og greiningarstöð

Ráðgjafar- og greiningarstöð er miðlæg þjónustu- og þekkingarmiðstöð sem starfar á þverfaglegum grunni og sinnir börnum að 18 ára aldri hvar sem þau búa á landinu. Hlutverk hennar er m.a. að annast greiningu og ráðgjöf vegna barna með víðtækar þroskaraskerðingar, sinna fræðilegum rannsóknum á þessu sviði og veita börnum með venjuflóknar eða sjaldgæfar fatlanir langtímaeftirfylgd. Öflun og miðlun þekkingar og þroskaskerðingar og fræðsla um helstu íhlutunarleiðir er enn fremur meðal hlutverka stofnunarinnar.

Vinnustaðurinn

Þroskaþjálfi/SIS sérfræðingur

Ráðgjafar- og greiningarstöð auglýsir laust til umsóknar starf sérfræðings við Mat á stuðningsþörf. Leitað er að sérfræðingi sem hefur brennandi áhuga á að starfa að verkefnum tengdum stuðningsþörfum fatlaðra barna og fullorðinna og mati á umfangi stuðningsþarfa.

Helstu verkefni og ábyrgð

Framkvæmd Staðlaðs mats á umfangi stuðningsþarfa fyrir börn og fullorðna (Supports Intensity Scale)
Þátttaka í fagteymi
Þátttaka í fræðslustarfi, þróunarverkefnum og rannsóknum innan og utan stofnunar

Menntunar- og hæfniskröfur

Íslenskt starfsleyfi sem þroskaþjálfi
Reynsla af störfum með fötluðum börnum og fullorðnum
Þekking á notkun matskerfa og tölfræði
Mjög góð samskipta- og samstarfshæfni og hæfni til að starfa í teymi
Góð færni til að tjá sig í ræðu og riti á íslensku og ensku
Sjálfstæði í vinnubrögðum, frumkvæði og skipulagshæfni

Laun greiðast skv. gildandi kjarasamningi sem fjármála- og efnahagsráðherra og Þroskaþjálfafélag Íslands hafa gert.

Umsókn um starfið skal fylgja upplýsingar um menntun, ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu. Sótt er um starfið á starfatorg.is. Miðað er við að viðkomandi geti hafið störf sem fyrst eða eftir nánara samkomulagi. Öllum umsóknum verður svarað þegar ákvörðun um ráðningu liggur fyrir. Umsókn getur gilt í 6 mánuði frá birtingu auglýsingar þessarar.

Á Ráðgjafar- og greiningarstöð starfa tæplega 60 starfsmenn. Ráðgjafar- og greiningastöð er með fjölskylduvæna mannauðsstefnu sem býður m.a. upp á sveigjanlegan vinnutíma og er lögð áhersla á þróun í starfi og tækifæri til sí- og endurmenntunar. Gildi stofnunarinnar eru fagmennska, framsækni, velferð og virðing.

Samkvæmt samningi við Jöfnunarsjóð sveitarfélaga sér stofnunin um mat á stuðningsþörf fatlaðra á landsvísu. Matið er framkvæmt í heimabyggð þjónustunotenda og felur starfið því í sér töluverð ferðalög. Um er að ræða sérhæft starf sem krefst þjálfunar sem veitt er í upphafi.

Nýir starfsmenn fá handleiðslu og starfsþjálfun á aðlögunartíma og er lögð áhersla á þróun í starfi og tækifæri til sí- og endurmenntunar.

Starfshlutfall er 80-100%.

Umsóknarfrestur er til og með 17. ágúst 2026.

Upplýsingar um starfið veitir:

Guðný Stefánsdóttir sviðsstjóri í síma 510-8400 eða á netfang: [email protected]

Auglýsing birt4. ágúst 2026

Umsóknarfrestur17. ágúst 2026

Tungumálahæfni