Þjónustufulltrúi hjá Ison

Við leitum að öflugum og þjónustulunduðum einstaklingi til að bætast í hópinn okkar hjá Ison.

Starfið er fjölbreytt þjónustustarf þar sem þú ert í daglegum samskiptum við viðskiptavini okkar, tekur á móti pöntunum og fyrirspurnum og sinnir sýningarrými Ison.

Helstu verkefni

• Þjónusta við viðskiptavini í sýningarrými
• Símsvörun og tölvupóstsamskipti
• Móttaka og skráning pantana
• Samskipti og samvinna við lager
• Ráðgjöf og upplýsingagjöf um vörur
• Almenn þjónusta og tilfallandi verkefni

Við leitum að einstaklingi sem

• hefur ríka þjónustulund og góða samskiptahæfni
• hefur góða íslenskukunnáttu í bæði ræðu og riti.
• er tölvulæs og öruggur í almennri tölvuvinnu
• er skipulagður, nákvæmur og sjálfstæður
• á auðvelt með að halda utan um mörg verkefni í einu
• á auðvelt með að vinna með öðrum og leggja sitt af mörkum til góðs samstarfs

Það er mikill kostur ef viðkomandi hefur menntun í hársnyrtiiðn eða reynslu af störfum innan hárgreiðslugeirans. Þekking á vörumerkjum og vörum Ison er einnig kostur.

Starfshlutfall og vinnutími

Um er að ræða 90% starf með föstum vinnutíma frá kl. 9:00–16:00 alla virka daga. Starfið er staðbundið í húsnæði Ison að Skútuvogi 11A og krefst daglegrar viðveru á auglýstum vinnutíma.

Æskilegt er að viðkomandi geti hafið störf sem fyrst.