Laus störf Hæfnileit Vinnustaðir Námskeið

Heinemann Travel Retail Iceland ehf.

Verslunin á Keflavíkurflugvelli hefur í áratugi verið hluti af ferðalagi fólks til og frá Íslandi. Í maí 2025 tók Ísland Duty Free við rekstrinum af Fríhöfninni og þar með hófst nýr kafli á sterkum grunni. Við tökum á móti hundruðum þúsunda ferðalanga á hverju ári og fyrir marga eru verslanir okkar bæði fyrsta og síðasta viðkoman á landinu. Við erum því ekki bara verslun, heldur hlið inn í Ísland og út í heim. Ísland Duty Free er hluti af Gebr. Heinemann, þýsku fjölskyldufyrirtæki með höfuðstöðvar í Hamborg sem hefur starfað í ferðaverslun frá árinu 1879 og er í dag eitt af leiðandi fyrirtækjum heims á því sviði. Með því fylgir aðgangur að alþjóðlegri þekkingu, sterkum samböndum við vörumerki og möguleikum til starfsþróunar þvert á landamæri. Hlutverk okkar er að gera ferðatímann verðmætari með framúrskarandi vöruúrvali, virði og þjónustu. Framtíðarsýn okkar er að skapa eftirminnileg augnablik þar sem Ísland og heimurinn mætast. Hjá Ísland Duty Free setjum við fólk í fyrsta sæti, erum eitt teymi og gerum vegferð hvers og eins ánægjulega. Við erum ungt fyrirtæki með langa sögu að baki, sem þýðir að fólkið okkar hefur raunveruleg áhrif á það sem við byggjum. Við leggjum áherslu á góða móttöku nýliða, öfluga vöruþekkingu og skýrar starfsþróunarleiðir, meðal annars í gegnum alþjóðlegt tengslanet Heinemann.

Vinnustaðurinn

Vaktstjóri í verslun

Ísland Duty Free leitar að jákvæðum og þjónustuliprum einstaklingi í öflugt teymi okkar. Við leitum að aðila sem brennur fyrir framúrskarandi þjónustu, hefur sterka söluhæfni og vill skapa eftirminnilega upplifun fyrir ferðamenn.

Um vaktavinnu er að ræða þar sem unnið er á 11 klst. vöktum skv. 2-2-3 vaktafyrirkomulagi.

Við erum hluti af Gebr. Heinemann, fjölskyldufyrirtæki sem starfar á alþjóðlegum markaði. Hjá okkur leggjum við áherslu á góða þjónustu, fjölbreytt vöruúrval og jákvæða upplifun viðskiptavina.

Tilgangur starfsins

Leitast við að gera ferðamenn að ánægðum og tryggum viðskiptavinum
Hámarka sölu með framúrskarandi þjónustu
Vera jákvæður og faglegur fulltrúi Ísland Duty Free
Stuðla að árangri í sölu, þjónustu, ánægju viðskiptavina og teymisvinnu

Helstu verkefni og ábyrgð

Viðskiptavinir og sala

Taka á móti viðskiptavinum á persónulegan og virkan hátt
Veita framúrskarandi þjónustu með góðri samskiptahæfni og vöruþekkingu
Greina þarfir viðskiptavina og hvetja til frekari kaupa
Nýta stafrænar lausnir til að styðja við sölustarf
Fylgja verklagsreglum og staðbundnum kröfum verslunar

Teymisvinna

Vera virkur og leiðandi í teymisstarfi, styðja og hvetja samstarfsfólk
Halda uppi opnum og faglegum samskiptum milli söluteymis og stjórnenda
Deila þekkingu og leggja sitt af mörkum til sameiginlegs árangurs

Gólfstjórn

Vaktstjóri tryggir hnökralaust flæði í verslun, styður starfsfólk og leysir úr málum sem upp koma í samráði við verslunarstjóra
Fylgjast með þjónustustigi og sjá um skipulag og verkaskiptingu á vaktinni
Tryggja að upplýsingagjöf, birgðir og framsetning séu í lagi

Menntunar- og hæfniskröfur

Menntun og reynsla

Menntun sem nýtist í starfi - verslunarfagnám, nám í sölu og þjónustu eða sambærileg menntun og/eða starfsreynsla.
Þekking á vöruframboði er kostur
Góð enskukunnátta; kunnátta í fleiri tungumálum er mikill kostur

Persónulegir eiginleikar

Opin, jákvæð og þjónustulipur framkoma
Sterk þjónustulund
Frábær samskipta- og söluhæfni, góð virk hlustun
Sjálfstæði og frumkvæði í ákvarðanatöku innan eigin ábyrgðarsviðs
Markmiðadrifinn liðsfélagi sem nýtur þess að vinna með öðrum

Fríðindi í starfi

Líkamsræktarstyrkur
Fríar rútuferðir eða ökutækjastyrkur
Niðurgreitt mötuneyti

Hjá Ísland Duty Free leggjum við áherslu á að starfsfólki okkar líði vel og að það fái tækifæri til að þróast í starfi. Nýtt starfsfólk fær þjálfun í vöruþekkingu, þjónustu og verklagi.

Allir umsækjendur þurfa að standast bakgrunnsathugun lögreglu.

Nánari upplýsingar um Ísland Duty Free má finna á heimasíðu okkar www.islanddutyfree.is.

Auglýsing birt12. nóvember 2026

Umsóknarfrestur28. nóvember 2026

Tungumálahæfni