66°North

Sjóklæðagerðin hf. er eitt elsta framleiðslufyrirtæki Íslands. Árið 1926 hóf fyrirtækið framleiðslu á sérstökum hlífðarfatnaði fyrir sjómenn og fiskverkunarfólk á norðurslóðum en seinna bættist við vörulínu fyrirtækisins vinnufatnaður fyrir fólk í landi. Rætur fyrirtækisins liggja því í framleiðslu sjó- og vinnufatnaðar og er fyrirtækið afar stolt af þeirri arfleifð sinni. Í dag er hönnun og framleiðsla útivistarfatnaðar kjarninn í starfsemi fyrirtækisins sem framleiddur er undir vörumerkinu 66°NORÐUR en fyrirtækið leggur mikið upp úr gæðum vörunnar þar sem eingöngu eru notuð bestu fáanlegu efnin í framleiðsluna. Í dag starfa um 400 manns hjá Sjóklæðagerðinni og starfar fyrirtækið í fjórum löndum, á Íslandi, í Danmörku, Bretlandi og Lettlandi. Á Íslandi rekur Sjóklæðagerðin tíu verslanir undir vörumerkinu 66°NORÐUR og í Kaupmannahöfn eru tvær verslanir þar sem sú fyrsta opnaði í lok árs 2014. Árið 2019 var opnuð skrifstofa í Lundúnum. Í lok árs 2022 mun Sjóklæðagerðin opna nýja 66°NORÐUR verslun í Lundúnum.

Vinnustaðurinn

Þjónustufulltrúi hjá 66°Norður

Við leitum að jákvæðum kraftmiklum þjónustufulltrúa í þjónustuver 66°Norður, einhverjum með einstaka skipulagshæfni og drifkraft og brennur fyrir að veita framúrskarandi þjónustu við viðskiptavini.

Helstu verkefni og ábyrgð

Starfið felur í sér að vera fulltrúi framúrskarandi þjónustu hjá 66°Norður. Verkefnin fela í sér að senda, taka á móti og fylgja eftir pöntunum vefverslunar og annarra deilda ásamt því að þjónusta viðskiptavini í gegnum síma, samfélagsmiðla og tölvupóst. Upplýsingagjöf ytri og innri viðskiptavina, samskipti við lager á Íslandi og Lettlandi og samskipti við póstfyrirtæki varðandi sendingar og tollamál, ásamt móttöku viðgerða og þjónustu við fyrirtæki í viðskiptum við 66°Norður. Viðkomandi mun taka þátt í að móta bestun ferla og sjá til þess að þjónustan sem veitt er uppfylli þjónustustefnu 66°Norður. Í þessu hlutverki mun starfsmaður koma að þjónustumálum á þverfaglegu sviði og kynnast starfsemi allra deilda fyrirtækisins.

Menntunar- og hæfniskröfur

· Framúrskarandi hæfni í mannlegum samskiptum

· Jákvætt viðmót og rík þjónustulund

· Frumkvæði og skipulagshæfni

· Góð íslensku- og enskukunnátta nauðsynleg

· Nákvæmni í vinnubrögðum

· Góð almenn tölvuþekking

· Reynsla af Microsoft Dynamics AX kostur

· Reynsla af þjónustustörfum er kostur

· Æskilegt er að umsækjandi hafi náð 20 ára aldri

Sjóklæðagerðin metur og stuðlar að fjölbreytileika, jafnrétti og þátttöku starfsfólks í öllum þáttum fyrirtækisins.

Umsóknarfrestur er til og með 13. nóvember 2024. Allar umsóknir og fyrirspurnir verða meðhöndlaðar sem trúnaðarmál.