Vélfag er á hraðri leið þessa dagana og markvisst að stíga úr því nýsköpunar- og þróunarferli sem fyrirtækið hefur verið í síðustu ár yfir í aukna áherslu á fjöldaframleiðslu fiskvinnsluvéla ásamt heildarlausna með búnaði fyrir fiskvinnslu. Vélfag hefur áorkað miklu í nýsköpun, vöruþróun og öflugri þjónustu á undanförnum árum en nú er komið að þeim tímapunkti að við erum að fjölga spennandi, fjölbreyttum störfum í fyrirtækinu og leggjum enn meiri áherslu á framleiðslu og sölu á okkar búnaði jafnt í heildarlausnum. Það eru gífurlega spennandi tímar framundan og okkur vantar starfsmenn bæði í þjónustu og framleiðslu.