Laus störf Hæfnileit Vinnustaðir Námskeið

Advania - Gamalt

Advania býður fjölbreyttar lausnir og þjónustu, sem svara kröfum og þörfum liðlega sjö þúsund viðskiptavina í atvinnulífinu. Lausnaframboð Advania spannar upplýsingatækni frá A til Ö og viðskiptavinir geta sótt þangað samþætta heildarþjónustu, allt á einn stað. Og þá gildir einu hvort um er að ræða hugbúnað, vélbúnað, ráðgjöf eða rekstrarþjónustu. Fagleg vinnubrögð eru í hávegum höfð hjá Advania, þar sem þarfir og væntingar viðskiptavina eru í fyrirrúmi í allri þjónustu. Advania er eitt örfárra fyrirtækja í þekkingariðnaði með starfsemi sem vottað er samkvæmt alþjóðlega gæða- og öryggisstaðlinum ISO 27001. Gildi fyrirtækisins eru ástríða, snerpa og hæfni.

Vinnustaðurinn

Teymisstjóri verkefnastýringar

Við leitum að öflugum og drífandi leiðtoga til að leiða teymi verkefnastjóra hjá rekstrarlausnum Advania. Þjónustulund, lipurð í samskiptum, brennandi áhugi á verkefnastýringu, lausnamiðuð nálgun í úrlausn verkefna og stuðningur við teymið er allt sem þarf.

Við bjóðum upp á margt skemmtilegt og áhugavert í vinnuumhverfi þínu eins og til dæmis:

Að starfa á líflegum vinnustað við hlið fagfólks í fremstu röð
Vera hluti af ástríðufullu teymi sem vinnur að því að skila viðskiptavinum auknu virði með faglegri verkefnastýringu
Vera í umhverfi þar sem hugmyndir og tillögur eru metnar að verðleikum, við hlustum á þitt framlag
Þú hefur áhrif - hjálpar til við að móta og byggja upp vinnulag, verkferla og aðferðarfræði við verkefnastýringu upplýsingatækniverkefna til framtíðar
Vera í nánu samstarfi við sérfræðinga, vörustjóra, sölumenn, tæknistjóra og viðskiptavini.
Búa til og viðhalda skýrum markmiðum, vegvísum og áætlunum fyrir teymið og viðskiptavini

Menntunar- og hæfniskröfur

Yfirgripsmikil reynsla af verkefnastýringu

Hafa þróað og stýrt verkefnaskrá (program portfolio management) er kostur

Hafa starfsreynslu í tengslum við upplýsingatækni

Jákvæðni, þjónustulund og hæfni í mannlegum samskiptum

Metnaður, frumkvæði og sjálfstæði í vinnubrögðum

Góð yfirsýn og leiðtogahæfni

Reynsla af notkun ferla- og beiðnakerfa er kostur

Drifkraft til að vinna að stöðugum framförum

Helstu verkefni og ábyrgð

Teymisstjóri ber ábyrgð á að verkefni sem unnin eru fyrir viðskiptavini Advania séu samkvæmt viðmiðum og ferlum félagsins, ásamt daglegri skipulagningu á heildar verkefnaskrá teymisins. Teymisstjóri þarf að hafa bakgrunn og reynslu í verkefnastýringu og geta unnið sjálfstætt í krefjandi aðstæðum.

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ráðið er í starfið þegar að réttur einstaklingur finnst og er því ekki um eiginlegan umsóknarfrest að ræða.

Ferli ráðninga

1. Tekið á móti umsóknum

2. Yfirferð umsókna

3. Boðað í fyrstu viðtöl

4. Boðað í seinni viðtöl

5. Verkefni eða próf lögð fyrir ef við á

6. Öflun umsagna / meðmæla

7. Ákvörðun um ráðningu

8. Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Ævar Svan Sigurðsson, deildarstjóri [email protected] / 4409000

Auglýsing birt27. apríl 2022

UmsóknarfresturEnginn

Tungumálahæfni

Engar sérstakar tungumálakröfur

Staðsetning

Guðrúnartún 10, 105 Reykjavík

Starfstegund

Hæfni