Laus störf Hæfnileit Vinnustaðir Námskeið

Sýslumaðurinn á höfuðborgarsvæðinu

Hjá sýslumönnum nálgast þú ýmsa þjónustu ríkisins, ýmist rafrænt eða með komu á eina af mörgum skrifstofum sýslumanna víða um land. Nýr kafli er hafinn í sögu sýslumannsembætta sem rekja má til tækniframfara í samfélaginu og eru embættin á fleygiferð í stafrænni vegferð og þróun þjónustu til viðskiptavina. Hjá embætti Sýslumannsins á höfuðborgarsvæðinu starfa um 100 manns og íbúar umdæmisins eru um 242.000. Sýslumaðurinn á höfuðborgarsvæðinu annast umsóknir um vegabréf og ökuskírteini, sinnir fjölskyldumálum, veitir leyfi til ættleiðinga, hefur eftirlit með skráningu heimagistinga, sinnir ýmsum opinberum skráningum svo sem þinglýsingum, auk fleiri verkefna.

Vinnustaðurinn

Sýslumaðurinn á höfuðborgarsvæðinu óskar að ráða aðstoð í mötuneyti

Mötuneytið er mikilvægur samverustaður þar sem starfsfólk kemur saman, nýtur næringar og byggir upp jákvæðan og öflugan starfsanda. Við leggjum áherslu á hollan og fjölbreyttan mat sem unninn er frá grunni og höfðar til breiðs hóps starfsmanna. Við leitum að áreiðanlegum aðstoðarmanni sem vill vera virkur þátttakandi í góðu teymi.

Helstu verkefni og ábyrgð

Þátttaka í daglegum störfum í eldhúsi og/eða matsal
Sér til þess að eldhús og matsalur séu ávallt snyrtileg og uppfylli hreinlætiskröfur
Frágangur, þrif, uppvask og sorplosun
Leysir matreiðslumann af vegna orlofs og fjarvista
Umsjón með kaffiaðstöðu, þrifum og að allur útbúnaður sé til staðar
Sinnir öðrum verkefnum að beiðni matreiðslumanns og sviðsstjóra

Menntunar- og hæfniskröfur

Reynsla af matseld fyrir hópa
Jákvæðni og lipurð í mannlegum samskiptum
Frumkvæði og þjónustulund
Stundvísi og áreiðanleiki
Snyrtimennska

Um er að ræða 50% starf, unnið alla virka daga vikunnar.

Umsókn skal skilað í gegnum umsóknarkerfi Alfreðs og þarf að fylgja ferilskrá þar sem gerð er grein fyrir ástæðu umsóknar og hæfni umsækjanda í starfið. 

Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út. Við ráðningu er tekið mið af jafnréttisstefnu Sýslumannsins á höfuðborgarsvæðinu. 

Um launakjör fer eftir kjarasamningi fjármála- og efnahagsráðherra og Sameyki.

Nánari upplýsingar um starfið veitir Baldur G. Jónsson, mannauðsstjóri ([email protected]).

Sýslumenn fara með framkvæmdarvald og stjórnsýslu ríkisins í héraði, hver í sínu umdæmi, skv. lögum nr. 50/2014. Í umdæmi sýslumannsins á höfuðborgarsvæðinu búa um 64% landsmanna. Nánari upplýsingar um verkefni sýslumanna má finna á island.is/syslumenn. 

Auglýsing birt17. mars 2026

Umsóknarfrestur6. apríl 2026

Tungumálahæfni