Laus störf Hæfnileit Vinnustaðir Námskeið

Vegagerðin

Vegagerðin þróar og annast samgöngukerfi, á sjó og landi, á sem hagkvæmastan hátt með þarfir samfélagsins, öryggi vegfarenda og umhverfissjónarmið að leiðarljósi. Um 370 starfsmenn Vegagerðarinnar starfa á 18 starfsstöðvum víðsvegar um landið.

Vinnustaðurinn

Svæðisstjóri Austursvæðis

Vegagerðin leitar að framsæknum og árangursdrifnum einstaklingi til að sinna starfi svæðisstjóra Austursvæðis. Starfið heyrir beint undir forstjóra og svæðisstjóri situr í framkvæmdastjórn Vegagerðarinnar. Svæðisstjóri veitir faglega og stjórnunarlega forystu og ber ábyrgð á framkvæmd stefnu Vegagerðarinnar á svæðinu. Starfsstöð svæðisstjóra er á Reyðarfirði en getur verið með aðstöðu í Fellabæ.

Helstu verkefni og ábyrgð

Stjórnun á starfsemi og verkefnum
Áætlanagerð og fjármál
Yfirumsjón með kaupum á ráðgjöf og útboði verka á svæðisvísu
Framkvæmd á viðhaldi og þjónustu vegakerfis svæðisins
Samskipti við opinbera aðila og hagsmunaaðila
Stefnumótun og seta í framkvæmdastjórn

Menntunar- og hæfniskröfur

Verk- eða tæknifræðingur eða önnur menntun sem nýtist í starfi, framhaldsmenntun æskileg
Farsæl reynsla af stjórnun og mannaforráðum
Reynsla af rekstri, fjármálum, áætlanagerð og verkefnastjórnun
Þekking og reynsla af innviðaframkvæmdum æskileg
Framúrskarandi samskiptafærni og lausnamiðun
Frumkvæði, metnaður og árangursdrifni
Mjög góð íslensku- og enskukunnátta

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu. Tekið skal fram að umsóknir geta gilt í sex mánuði frá því að umsóknarfrestur rennur út. Áhugasamir einstaklingar af öllum kynjum eru hvattir til að sækja um.

Nánari upplýsingar veitir Vigdís Edda Jónsdóttir, mannauðsstjóri, [email protected]

Vegagerðin er eftirsóknarverður vinnustaður, stærsta framkvæmdastofnun landsins með gríðarlega fjölbreytta verkefnaflóru.

Austursvæði nær frá Vopnafirði í norðri að Gígjukvísl á Skeiðarársandi í suðri. Vegakerfið er rúmlega 2.100 km langt og á því eru þrenn jarðgöng. Þjónustustöðvar eru í Fellabæ, á Reyðarfirði og á Höfn. Á svæðinu eru reknar umsjónardeild, þjónustudeild og tæknideild og þar starfa um 25 starfsmenn.

Umfangsmiklar og áhugaverðar framkvæmdir eru áætlaðar á næstu árum, til að mynda Fjarðarheiðargöng og nýr vegur um Öxi.

Auglýsing birt19. mars 2024

Umsóknarfrestur4. apríl 2024

Tungumálahæfni