Laus störf Hæfnileit Vinnustaðir Námskeið

Land og skógur

Land og skógur er þekkingarstofnun sem hefur það meginmarkmið að bæta gróður- og jarðvegsauðlindir þjóðarinnar, nýta land af sjálfbærni, vakta og hafa yfirsýn, draga úr losun og stuðla að bindingu kolefnis og virkja og fræða almenning og hagsmunaaðila um gróður- og jarðvegsvernd, sjálfbæra nýtingu lands, uppbyggingu og endurheimt vistkerfa, skóga og skógrækt.

Vinnustaðurinn

Sumarstarf hjá Landi og skógi á Norðurlandi eystra

Land og skógur óskar eftir að ráða öflugt sumarstarfsfólk í afleysingar í starf héraðsfulltrúa á Norðurlandi eystra 2026. Aðal aðsetur héraðsfulltrúa á Norðurlandi eystra er í Ásbyrgi en aðsetur sumarstarfsfólks getur verið á öðrum starfsstöðvum Lands og skógar á svæðinu eftir samkomulagi.

Land og skógur er þekkingar- og þjónustustofnun sem vinnur að uppbygginu og vernd gróður- og jarðvegsauðlinda á Íslandi og gegnir mikilvægu hlutverki við að bæta ástand þeirra og stuðla að sjálfbærri landnýtingu. Stofnunin sinnir verkefnum á sviði landgræðslu, endurheimtar vistkerfa, nýskógræktar, umhirðu og friðunar skóga með það að markmiði að efla umhverfislegan, samfélagslegan og hagrænan ávinning sjálfbærrar landnýtingar. Stofnunin starfar samkvæmt lögum um landgræðslu nr. 155/2018 og lögum um skóga og skógrækt nr. 33/2019.

Helstu verkefni og ábyrgð

Ráðgjöf og eftirlit með verkefnum í Bændur græða landið, Landbótasjóði Lands og skógar og öðrum verkefnum sem snúa að endurheimt og sjálfbærri landnýtingu
Skráning landgræðsluaðgerða og eftirlit með árangri þeirra
Fræðsla og ráðgjöf til hagaðila, svo sem bænda og annarra landnotenda
Önnur tilfallandi verkefni í samráði við samstarfsfólk og næsta yfirmann, svo sem gróðursetning, girðingavinna, mælingar á kolefni og annað sem tengist landgræðslusvæðum

Menntunar- og hæfniskröfur

Nám og/eða reynsla sem nýtist í starfi
Skipulagshæfni, sjálfstæði, sveigjanleiki og góð samstarfshæfni
Gott vald á íslensku í ræðu og riti
Gild ökuréttindi á beinskiptan bíl er skilyrði
Góð almenn tölvukunnátta
Þekking og reynsla af landgræðslustarfi er kostur
Þekking og reynsla af landbúnaði er kostur

Markmið Lands og skógar er að vera eftirsóttur vinnustaður fyrir starfsfólk með fjölbreytta menntun og bakgrunn. Þar er starfsfólki búin góð vinnuaðstaða, greiður aðgangur að upplýsingum og fjölbreyttir möguleikar á símenntun. Land og skógur hefur innleitt styttingu vinnuvikunnar og græn skref í ríkisrekstri. Þá hefur stofnunin sett sér umhverfis- og loftslagsáætlun með tímasettum markmiðum ásamt áætlunum um réttindi, vernd og ábyrgð starfsfólks, s.s. áætlanir um áreitni og einelti ásamt viðbrögðum við slíku.

Með umsókn skal fylgja náms- og starfsferilskrá, kynningarbréf ásamt afriti af prófskírteinum. Áhugasamir einstaklingar, óháð kyni, eru hvattir til að sækja um.

Störfin eru fjölbreytt og henta öllum kynjum. Auglýsingin getur gilt í sex mánuði frá birtingu. Æskilegt er að viðkomandi geti hafið störf eigi síðar en 1. júní.

Auglýsing birt16. mars 2026

Umsóknarfrestur23. mars 2026

Tungumálahæfni