Laus störf Hæfnileit Vinnustaðir Námskeið

Landhelgisgæsla Íslands

Landhelgisgæsla Íslands er löggæslustofnun sem hefur það hlutverk að sinna löggæslu og eftirliti sem og leit og björgun á hafsvæðinu umhverfis Ísland. Landhelgisgæslan annast einnig framkvæmd á varnartengdum rekstrarverkefnum í umboði utanríkisráðuneytisins sbr. varnarmálalög nr. 34/2008 og samning við utanríkisráðuneytið, þ.m.t. er rekstur öryggissvæða, mannvirkja, kerfa, stjórnstöðvar og ratsjár- og fjarskiptastöðva Atlantshafsbandalagsins. Hjá Landhelgisgæslunni starfar rúmlega 270 manna samhentur hópur sem hefur að leiðarljósi slagorðið: Við erum til taks! Gildi Landhelgisgæslunnar eru: Öryggi - Þjónusta – Fagmennska. Nánari upplýsingar um Landhelgisgæslu Íslands má finna á: www.lhg.is. --------- The Icelandic Coast Guard is a law enforcement agency responsible for surveillance, law enforcement, and search and rescue operations within Iceland’s maritime area. The Coast Guard also carries out defense-related operational projects on behalf of the Ministry for Foreign Affairs, in accordance with Defense Act No. 34/2008 and agreements with the Ministry of Foreign Affairs. This includes the operation of security areas, infrastructure, systems, command centers, and NATO radar and telecommunication stations. The Icelandic Coast Guard employs a cohesive team of over 270 dedicated professionals guided by the motto: We are always prepared! Its core values are: Safety – Service – Professionalism. Further information can be found at: www.lhg.is.

Vinnustaðurinn

Landhelgisgæslan óskar eftir jákvæðum launafulltrúa í fjölbreytt starf

Landhelgisgæsla Íslands óskar eftir að ráða jákvæðan og talnaglöggan einstakling í starf launafulltrúa á mannauðssviði. Í boði er fjölbreytt og skemmtilegt starf í lifandi og faglegu starfsumhverfi þar sem nákvæmni, samheldni og samvinna skipta máli.

Um fullt starf er að ræða og er starfsstöð viðkomandi á öryggissvæði Landhelgisgæslunnar í Keflavík.

Helstu verkefni og ábyrgð

Launavinnsla og frágangur launa
Útreikningar, undirbúningur og úrvinnsla í tengslum við launavinnslu
Umsjón með skráningu vakta, tímaskráningum og uppgjöri vinnuskýrslna í vakta- og viðverukerfi
Ráðgjöf og upplýsingagjöf til stjórnenda og starfsfólks varðandi launa-, kjara- og réttindamál
Önnur fjölbreytt verkefni í samráði við mannauðsstjóra

Menntunar- og hæfniskröfur

Menntun eða reynsla sem nýtist í starfi
Þekking á launavinnslu og kjaramálum er kostur
Mjög góð almenn tölvukunnátta og góð færni í Excel
Þekking á Orra, launakerfi ríkisins, er kostur
Góð færni í framsetningu gagna, nákvæmni og öguð vinnubrögð
Framúrskarandi samskiptahæfni, þjónustulund og jákvæðni
Frumkvæði, skipulagshæfni og sveigjanleiki
Góð íslensku- og enskukunnátta
Búseta á Suðurnesjum er kostur

Umsækjendur þurfa að standast kröfur Landhelgisgæslunnar um líkamlegt og andlegt atgervi. Einnig skulu starfsmenn uppfylla skilyrði fyrir öryggisheimild samanber varnarmálalög nr. 34/2008 og reglugerð nr. 959/2012.

Umsóknarfrestur er til og með 7. apríl 2026. Umsókn óskast fyllt út á www.intellecta.is og þarf henni að fylgja starfsferilskrá og kynningarbréf á íslensku þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá dagsetningu auglýsingar. Áhugasamir einstaklingar, óháð kyni, eru hvattir til að sækja um. Launakjör eru samkvæmt kjarasamningi viðkomandi stéttarfélags og fjármálaráðherra f.h. ríkissjóðs.

Nánari upplýsingar veita Helga Birna Jónsdóttir ([email protected]) og Lea Kristín Guðmundsdóttir ([email protected]) í síma 511 1225.

Auglýsing birt11. mars 2026

Umsóknarfrestur7. apríl 2026

Tungumálahæfni