Verkefnastjóri hjá Sorgarmiðstöð

Sorgarmiðstöð leitar að verkefnastjóra í sveigjanlegt starfshlutfall. Í starfinu felst umsjón með hópastarfi og jafningjastuðningi, gagnagreiningu, skýrslugerð og þróun á rekstrarferlum. Lögð er áhersla á skipulagshæfileika, þjónustulund og reynslu í verkefnastjórnun. Hjarta fyrir málstað syrgjenda er grundvallarskilyrði.

Helstu verkefni og ábyrgð

Umsjón yfir skipulagi á hópastarfi og jafningjastuðningi
Utanumhald á skráningum þjónustuþega í gagnakerfi
Greining á skráningargögnum og gerð reglubundinna skýrslna til stuðnings ákvarðanatöku
Söfnun, úrvinnsla og túlkun á endurgjöf frá þjónustumati og tillögur að úrbótum á grunni niðurstaðna
Aðstoð við þróun og innleiðingu sjálfvirkra ferla í rekstri Sorgarmiðstöðvar
Samskipti og samráð við sjálfboðaliða, samstarfsaðila, þjónustuþega og aðra hagaðila
Önnur tilfallandi verkefni

Menntunar- og hæfniskröfur

Háskólapróf sem nýtist í starfi er kostur
Reynsla og/eða menntun í verkefnastjórnun
Reynsla af gagnagreiningu, skýrslugerð og mati á þjónustugæðum er talin sérstaklega til góðs
Þekking og reynsla af sjálfvirkum ferlum og hugbúnaðarlausnum því tengdu
Góð tölvukunnátta, þar á meðal notkun á Office 365, skráningarkerfi og/eða öðrum verkfærum sem nýtast í daglegum rekstri
Framúrskarandi skipulagshæfileikar, nákvæmni og gott verkvit með hæfni til að greina vandamál og finna lausnir á eigin vegum
Framúrskarandi íslenska í ræðu og riti, góð enskukunnátta æskileg
Þjónustulund og sterk hæfni í mannlegum samskiptum, m.a. í samskiptum við einstaklinga í viðkvæmri stöðu
Þekking og reynsla af sorgarúrvinnslu og stuðningi við einstaklinga í sorgarferli er æskileg
Hæfni til að vinna í hóp og þrífast í kraftmiklu og síbreytilegu starfsumhverfi
Hugmyndauðgi, drifkraftur og jákvæðni í garð starfsins
Hjarta fyrir málstað syrgjenda og aðstandenda þeirra

Fríðindi í starfi

Fjölskylduvænn vinnustaður
Sveigjanlegur vinnutími (að hluta)
Sveigjanlegt starfshlutfall

Sorgarmiðstöð var stofnuð árið 2018 og er markmið samtakanna að styðja við syrgjendur, aðstandendur þeirra og aðra sem vinna að velferð syrgjenda. Starfsemin lýtur fyrst og fremst að stuðningi, ráðgjöf, upplýsingaþjónustu og fræðslu. Sorgarmiðstöð er fjölskylduvænn vinnustaður, staðsettur í Hafnarfirði og er mikil áhersla er lögð á góðan starfsanda. Vinnutími er að hluta sveigjanlegur. Nánari upplýsingar um Sorgarmiðstöð má finna á www.sorgarmidstod.is
Umsækjandi þarf að vera með hreint sakavottorð og verður að gangast við starfs- og siðareglum Sorgarmiðstöðvar.

Farið verður með allar umsóknir og fyrirspurnir sem trúnaðarmál og þeim svarað að ráðningu lokinni.

Auglýsing birt27. febrúar 2026

Umsóknarfrestur20. mars 2026

Tungumálahæfni