Starf í leikskólanum Garðaseli
Heilsuleikskólinn Garðasel á Akranesi auglýsir eftir starfsmanni til starfa sem fyrst. Um er að ræða tímabundið starf fram í júlí með möguleika á að skoða áframhaldandi starf. Vinnutími er breytilegur en leikskólinn er opinn frá klukkan 7:30 til 16:30.
Garðasel er Heilsuleikskóli og leggur áherslu á hreyfingu, heilsu og gæði í samskiptum. Við leitum að duglegum starfsmanni sem er tilbúinn að vinna með öflugum starfsmannahópi af áhuga, jákvæðni og gleði. Í leikskólanum eru um 160 börn á sjö deildum og einkunnarorð skólans eru: Lífið er leikur.
Leikskólinn er í nýju og glæsilegu húsnæði þar sem m.a. starfsaðstaða, hljóðvist og lýsing er til fyrirmyndar.
Vinna að uppeldi og menntun barna samkvæmt starfslýsingu leiðbeinenda eða leikskólakennara. Starfið er unnið í samvinnu við leikskólakennara, deildarstjóra og skólastjórnendur.
- Uppeldismenntun kostur
- Áhugi, reynsla og góð hæfni í starfi með börnum
- Jákvæðni, lipurð og góð færni í samskiptum
- Sjálfstæð og skipulögð vinnubrögð
- Góð íslenskukunnátta skilyrði
- 18 ára og eldri
- Hreint sakavottorð
Íslenska
