Reykjavíkurborg - Velferðarsvið

Velferðasvið ber ábyrgð á áætlanagerð, samhæfingu og samþættingu verkefna á sviði velferðarþjónustu, eftirliti í samræmi við lög, reglur, samþykktir og pólitíska stefnu í velferðarmálum, mat á árangri og þróun velferðarþjónustu og nýrra úrræða og gerð þjónustusamninga um framkvæmd þjónustunnar. Velferðarsvið býr Reykjavíkurborg ennfremur undir að taka við nýjum velferðarverkefnum frá ríki svo sem í málefnum fatlaðra, öldrunarþjónustu og heilsugæslu. Velferðarsvið ber ábyrgð á framkvæmd þjónustu á sviði velferðarmála, þar með talinni félagsþjónustu fyrir alla aldurshópa og barnavernd. Velferðarsvið ber ábyrgð á rekstri þjónustumiðstöðva Reykjavíkurborgar og starfseininga sem undir þær heyra. Velferðarsvið vinnur með velferðarráði og barnaverndarnefnd og sinnir málefnum þeirra. Þjónustumiðstöðvar vinna með hverfaráðum í hverfum borgarinnar. Velferðarsvið sér einnig um rekstur miðlægrar velferðarþjónustu þvert á borgina, átaksverkefna vegna endurhæfingar fólks, heildstæðu forvarnastarfi í Reykjavík, inntöku í húsnæðis- og búsetuúrræði, rekstur hjúkrunarheimila, rekstur framleiðslueldhúss og rekstur heimahjúkrunar í Reykjavík samkvæmt samningi við ríkið þar um.

Vinnustaðurinn

Spennandi sumarstarf: stuðningsfulltrúi óskast á besta stað

Íbúðakjarninn að Árlandi 10 óskar eftir að ráða hæfileikaríkt og drífandi fólk í sumarafleysingar. Um er að ræða skemmtilegt, fjölbreytt og gefandi starf á líflegum vinnustað þar sem lögð er áhersla á jákvæðni, samvinnu og vinsemd. Unnið er á fjölbreyttum vöktum, en starfshlutfall er samkomulagsatriði.

Í íbúðarkjarnanum búa sex einstaklingar með þroskahömlun og skyldar raskanir, en þjónustan miðar að því að auka sjálfstæði, lífsgæði og hamingju íbúanna. Unnið er eftir hugmyndafræðinni um sjálfstætt líf, en hlutverk stuðningsfulltrúa er að styðja og aðstoða íbúa við allar athafnir daglegs lífs. Í því felst að gera íbúum kleift að búa á eigin heimili, stunda vinnu og njóta menningar og félagslífs.

Helstu verkefni og ábyrgð