Epli (Skakkiturn ehf) starfar undir samningum við Apple International er varða dreifingu, sölu og þjónustu á Apple vörum. Markmið fyrirtækisins er að veita framúrskarandi þjónustu og tryggja gott vöruframboð á sem hagkvæmasta verði. Höfuðstöðvar, ásamt verslun og þjónustuverkstæði, eru að Laugarvegi 182. Einnig er verslun í Smáralind og vefverslun á epli.is. Epli er líflegur og eftirsóknarverður vinnustaður. Þar starfa einstaklingar með fjölbreyttan bakgrunn sem eiga það þó sameiginlegt að hafa brennandi áhuga á tækjum, tólum og tækni frá Apple. Starfsmenn fá þjálfun og stuðning til að viðhalda þekkingu og færni sem þarf til að sinna viðskiptavinum vel og leysa viðfangsefni á sem farsælastan hátt. Hjá Epli starfa um 35 manns á öllum aldri. Þar af er um þriðjungur konur.