Sölufulltrúi

Helstu verkefni

Ráðgjöf og sala á borðplötum

• Veita viðskiptavinum faglega ráðgjöf við val á steini fyrir eldhús, baðherbergi og önnur rými.
• Aðstoða við val á litum, áferð og efnum með hliðsjón af innréttingum, gólfefnum, heildarhönnun og þörfum viðskiptavinar.
• Kynna mismunandi steintegundir, eiginleika þeirra og möguleika fyrir viðskiptavinum.
• Byggja upp og viðhalda góðum tengslum við viðskiptavini REIN.

Tilboðsgerð og verkefnaumsjón

• Útbúa tilboð á grundvelli innréttingateikninga, arkitektateikninga og annarra gagna frá viðskiptavinum.
• Meta umfang verkefna og tryggja að nauðsynlegar upplýsingar liggi fyrir áður en verkefni fara í framleiðslu.
• Fylgja verkefnum eftir frá fyrstu fyrirspurn og tilboðsgerð, í gegnum framleiðsluferlið og þar til uppsetningu er lokið.
• Vera tengiliður viðskiptavinar við REIN á öllum stigum verkefnisins.
• Vinna náið með framleiðslu- og uppsetningarteymi fyrirtækisins.

Viðskiptavinahópur REIN er fjölbreyttur og felur meðal annars í sér einstaklinga, arkitekta, innanhússhönnuði, byggingaraðila og innréttingafyrirtæki.

Samskipti við birgja

• Samskipti við erlenda birgja REIN.
• Aðkoma að vörupöntunum og eftirfylgni þeirra.
• Aðstoð við skipulag og móttöku sendinga til landsins.
• Eftirfylgni með vörum, afhendingartímum og öðrum atriðum tengdum innkaupum.

Uppbygging á sölu Franke eldhústækja

Mikilvægur hluti starfsins verður þátttaka í uppbyggingu nýrrar stoðar í rekstri REIN: sölu á eldhústækjum og tengdum vörum frá svissneska framleiðandanum Franke.

Vöruframboðið mun meðal annars ná til helluborða, vaska, blöndunartækja, ofna og vínkæla.

Viðkomandi mun taka virkan þátt í að byggja upp þekkingu, sölu og þjónustu í kringum vörurnar og þróa þennan hluta starfseminnar með fyrirtækinu. Þetta er því gott tækifæri fyrir einstakling sem hefur áhuga á sölu og viðskiptaþróun og vill hafa áhrif á hvernig nýr vöruflokkur er byggður upp frá grunni.

Við leitum að einstaklingi sem

• hefur ríka þjónustulund og á auðvelt með samskipti við ólíka viðskiptavini
• hefur áhuga á hönnun, innréttingum, efnisvali og fallegum lausnum
• er skipulagður og nákvæmur í vinnubrögðum
• getur lesið og unnið út frá innréttinga- og arkitektateikningum, eða hefur áhuga og getu til að tileinka sér það
• getur unnið sjálfstætt og tekið ábyrgð á verkefnum
• sýnir frumkvæði og fylgir verkefnum eftir
• hefur jákvætt hugarfar og lausnamiðaða nálgun
• er tilbúinn að takast á við fjölbreytt verkefni sem geta komið upp í daglegum rekstri lítils framleiðslufyrirtækis
• hefur góða íslensku- og enskukunnáttu, bæði í töluðu og rituðu máli.

Reynsla af sölu, ráðgjöf, innréttingum, byggingariðnaði, arkitektúr eða sambærilegum störfum er kostur en ekki skilyrði. Við leggjum mikla áherslu á viðhorf, samskiptahæfni, sjálfstæði og vilja til að læra.

Við bjóðum

• 60–100% starf, með möguleika á að aðlaga starfshlutfall að réttum einstaklingi.
• Fjölbreytt og sjálfstætt starf þar sem hægt er að hafa raunveruleg áhrif.
• Tækifæri til að byggja upp nýjan hluta starfseminnar samhliða stjórnendum fyrirtækisins.
• Náin kynni af hönnun, innréttingum, náttúru- og kvarsefnisteini og vönduðum eldhúslausnum.
• Starf í litlu og metnaðarfullu fyrirtæki þar sem boðleiðir eru stuttar.
• Möguleika á árangurstengdum bónusgreiðslum til viðbótar við föst laun.