Laus störf Hæfnileit Vinnustaðir Námskeið

Stekkjaskóli

Stekkjaskóli er nýr grunnskóli á Selfossi sem tók til starfa haustið 2021. Fyrsti áfangi nýbyggingar skólans var tekinn í notkun í mars 2023 og 2. áfangi var tekinn í notkun í janúar 2025. Næsta haust er gert ráð fyrir um 430 nemendum í 1.-9. bekk. Fullbyggður verður skólinn fyrir rúmlega 500 nemendur í 1.-10. bekk. Stekkjaskóli er hannaður og byggður sem teymiskennsluskóli, með vel skipulögðum árgangasvæðum, góðum list- og verkgreinastofum, glæsilegu bókasafni og náttúrufræðistofu með stórum gróðurskála. Byggingin þykir með glæsilegri skólabyggingum á landinu. Í Stekkjaskóla er lögð áhersla á teymiskennslu, teymisvinnu, tækni og nýsköpun, skapandi skólastarf, umhverfismál og jákvæðan skólabrag. Stefnumörkun skólans tekur meðal annars mið af menntastefnu Árborgar sem byggir á hugmyndinni um skólann sem lifandi lærdómssamfélag.

Vinnustaðurinn

Skrifstofustjóri

Stekkjaskóli auglýsir eftir skrifstofustjóra í 80 – 100% starfshlutfall frá 1. ágúst 2026.

Leitað er eftir áhugasömum og kraftmiklum skrifstofustjóra til að starfa á skrifstofu skólans og til að sinna ýmsum verkefnum sem tengjast daglegum rekstri. Skrifstofustjóri vinnur náið með stjórnendateymi skólans.

Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Umsjón og ábyrgð á daglegum rekstri skrifstofu og ber ábyrgð á samskiptum skóla við þá sem eiga erindi við skólann
Umsjón með viðveruskráningu starfsmanna í Vinnustund
Skjölun og frágangur gagna s.s. nemendagagna og annarra gagna
Heldur utan um mataráskriftir við skólann
Umsjón með bókhaldi, innkaupum rekstrarvara, skólabóka og birgðahaldi
Umsýsla ráðningasamninga í samvinnu við stjórnendur og undirbúningur fyrir launakeyrslu
Umsjón með skráningu nemenda, forfallaskráningu og skipulagi forfalla
Stuðla að velferð nemenda í samstarfi við fagfólk og forráðamenn
Önnur verkefni samkvæmt starfslýsingu sem yfirmaður felur starfsmanni

Menntunar- og hæfniskröfur

Háskólapróf t.d. á sviði mannauðsmála, viðskiptafræði, stjórnunar eða annarra sviða sem nýtast í starfi
Mjög góð þekking og/eða reynsla af skrifstofustörfum
Góð tölvukunnátta skilyrði s.s. excel, word, bókhaldsforrit og fleira
Góð íslensku- og enskukunnátta í ræðu og riti
Sveigjanleiki til að geta unnið undir álagi
Frumkvæði, sjálfstæði í vinnubrögðum og skipulagshæfileikar
Jákvæðni og vilji til að ná árangri í starfi
Lipurð í samskiptum og samstarfshæfni
Stundvísi og áreiðanleiki

Umsóknarfrestur er til og með 8. apríl 2026

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Árborgar að jafna hlutfall kynjanna í störfum og að vinnustaðir endurspegli fjölbreytileika samfélagsins.

Umsóknum skal fylgja leyfisbréf, yfirlit yfir nám, fyrri störf og rökstuðningur fyrir hæfni í starfi. Umsókn ásamt fylgigögnum skal skila í gegnum ráðningarvef sveitarfélagsins https://sveitarfelagid-arborg.alfred.is/ .

Allar umsóknir eru gildar í sex mánuði.

Nánari upplýsingar um störfin veitir Hilmar Björgvinsson, skólastjóri, [email protected] sími 480-1600 / 863-0922 og Hildur Bjargmundsdóttir, aðstoðarskólastjóri, [email protected] sími 480-1600. Sjá einnig heimasíðu skólans www.stekkjaskoli.is .

Auglýsing birt20. mars 2026

Umsóknarfrestur8. apríl 2026

Tungumálahæfni