Skólaliða vantar

Fellaskóli auglýsir starf skólaliða í 50-100% starf nú þegar eða eftir samkomulagi

Fellaskóli er heildstæður grunnskóli í Reykjavík þar sem meira en helmingur nemenda hefur annað móðurmál en íslensku. Nemendur skólans eru um 360 og starfsmenn um 90.

Skólasamfélagið í Fellaskóla hefur sett sér framtíðarsýn sem felur í sér breytingar á starfsháttum skólans. Yfirskriftin er Draumaskólinn Fellaskóli undir merkjum menntastefnu Reykjavíkurborgar, Látum draumana rætast.

Skólabragur er fjölmenningarlegur þar sem víðsýni, jöfnuður, metnaður, valdefling, virðing og sköpun eru leiðarljós.

Fagmennska starfsfólks og ástríða fyrir öflugu og litríku skóla- og frístundastarfi skiptir sköpum. Í Draumaskólanum Fellaskóla er skóla og frístundastarf samþætt fyrir börn í 1. og 2. bekk. Við skólann er starfrækt sérdeild fyrir einhverf börn.