Skapandi dýravinur óskar eftir NPA aðstoðarkonu

Ég er kona á besta aldri, bý í Kópavogi og er að leita að aðstoðarkonu til starfa í NPA þjónustu. Ég hef gaman af lífinu og er úti um allt að gera alls konar hluti eins og að fara í sund og á menningarviðburði. Ég er í leiklist, sinni fjölbreyttum góðgerðarstörfum og sjálfboðaliðastörfum svo eitthvað sé nefnt.

Ég er hreyfihömluð og nota hjólastól. Ég er að leita að aðstoðarkonu sem getur aðstoðað mig eftir þörfum í mínu daglega lífi m.a. við útréttingar, heimilisstörf, matreiðslu, sundferðir, og annað sem ég tek mér fyrir hendur. Hlutverk aðstoðarkonu er í stuttu máli að vera mín hægri hönd í verkefnum dagsins.
Athugið. Ég er með kött á heimilinu og þarf aðstoð við að sinna honum.

Ef þú hefur gaman af lífinu, getur tekið leiðsögn og átt auðvelt með mannleg samskipti þá gæti ég verið að leita að þér. Ekki er verra ef þú ert líka traust, skipulögð og samviskusöm.

Ég óska eftir aðstoðarkonu í hlutastarf á eftirfarandi vaktir.

Mánudaga 12:00 – 20:00
Föstudaga 12:00 – 20:00
Einn helgardag (Laugardag eða Sunnudag) aðra hvora helgi 12:00 – 20:00

Mikilvægt er að geta hafið störf sem fyrst.