Sjúkraliðar

Kjarkur endurhæfing vill ráða sjúkraliða til starfa til að sinna einstaklingum sem eru í endurhæfingu. Starfshlutfall er eftir samkomulagi.

Unnið er á morgun-, kvöld- og næturvöktum og aðra hvora helgi.

Kjarkur endurhæfing er endurhæfingarstofnun sem tekur á móti einstaklingum á aldrinum 18-67 ára sem hafa lokið frumendurhæfingu en þurfa áframhaldandi aðstoð við að aðlagast breyttum aðstæðum og færni.

Hjá Kjarki endurhæfingu starfar fjölbreyttur hópur við endurhæfingu, svo sem félagsráðgjafi, hjúkrunarfræðingar, iðjuþjálfar, íþróttafræðingar, sjúkraliðar, sjúkraþjálfari, talmeinafræðingur og sérhæft starfsfólk.