Heilsugæsla Höfuðborgarsvæðisins

Við rekum fimmtán heilsugæslustöðvar í Reykjavík, Seltjarnarnesi, Mosfellsumdæmi, Kópavogi, Garðabæ og Hafnarfirði, þar sem við veitum samræmda þjónustu. Einnig sjáum við um sérþjónustustöðvarnar: Heimahjúkrun í Hafnarfirði, Garðabæ, Kópavogi og Mosfellsumdæmi, Geðheilsumiðstöð barna, Göngudeild sóttvarna, Geðheilsuteymi HH austur, Geðheilsuteymi HH vestur, Geðheilsuteymi HH suður, Geðheilsuteymi Taugaþroskaraskanna, Geðheilsuteymi fangelsa, Geðheilsuteymi ADHD fullorðinna, Samhæfingastöð krabbameinsskimanna, Upplýsingamiðstöð, Þróunarmiðstöð íslenskrar heilsugæslu auk stoðþjónustu á skrifstofu. Heilsuvera er samstarfsverkefni okkar og Embættis landlæknis. Þar er hægt að hafa samskipti við starfsfólk heilsugæslustöðvanna og fræðast um heilsu og áhrifaþætti hennar. Heilsugæsla höfuðborgarsvæðisins hefur á að skipa sérhæfðu og metnaðarfullu starfsfólki sem vinnur í hvetjandi og áhugaverðu starfsumhverfi þar sem frumkvæði og sjálfstæði þeirra fær að njóta sín. Starfsfólk heilsugæslunnar vinnur að því að veita íbúum höfuðborgarsvæðisins aðgengilega, samfellda og alhliða heilsugæsluþjónustu. Þjónustan byggir á sérþekkingu og víðtæku þverfaglegu samstarfi.

Vinnustaðurinn

Sérfræðingur í heimilislækningum - Heilsugæslan Hlíðum

Heilsugæslan Hlíðum auglýsir eftir sérfræðingi í heimilislækningum í ótímabundið starf. Um er að ræða 80-100% starf eða samkvæmt samkomulagi. Æskilegt er að viðkomandi geti hafið störf 15. október nk. eða eftir nánara samkomulagi.

Um er að ræða ábyrgðarmikið og krefjandi starf, á spennandi starfsvettvangi fyrir lækni sem hefur áhuga á nýsköpun og framþróun í heilsugæslu. Unnið er í þverfaglegu teymi með læknum, hjúkrunarfræðingum og öðru fagfólki í skemmtilegu starfsumhverfi sem er í stöðugri þróun.

Heilsugæslan Hlíðum er í ný uppgerðu og glæsilegu húsnæði við Skógarhlíð 18. Á heilsugæslunni eru starfandi sérfræðingar í heimilislækingum ásamt hjúkrunarfræðingum, sálfræðingum, ljósmæðrum og riturum og skrifstofustjóra.

Nánari upplýsingar um starfsemi stöðvarinnar má finna á vef Heilsugæslunnar (www.heilsugaeslan.is).

Helstu verkefni og ábyrgð

Starfssvið heimilislæknis er víðtækt og felst m.a. í almennum lækningum, heilsuvernd, vaktþjónustu og kennslu nema. Hann leiðbeinir skjólstæðingum og aðstandendum og veitir fræðslu og upplýsingar. Heimilislæknir er virkur þátttakandi í þróun og uppbyggingu heimilislækninga, tekur þátt í vísinda-, þróunar- og gæðastarfi og sinnir kennslu starfsfólks og nema.

Menntunar- og hæfniskröfur