Sérfræðingur í gæðarannsóknardeild

Við leitum að einstaklingi sem hefur gaman af vinnu á rannsóknarstofu og hefur getu til að skila af sér niðurstöðum í takt við tímalínur. Gæðarannsóknardeild er hluti af gæðasviði Coripharma ehf og sér um mælingar á hráefnum sem notuð eru í lyfjaframleiðslu, sem og mælingar á framleiðsluvörum fyrirtækisins. Mælingar eru fjölbreyttar og viðkomandi þarf að geta tileinkað sér mismunandi mæliaðferðir.

Helstu verkefni og ábyrgð

• Mælingar á hráefnum og framleiðsluvöru (til dæmis HPLC, GC og PSD, ásamt fleiri mælingum)
• Útreikningar og frágangur á rannsóknarniðurstöðum
• Kvarðanir og eftirlit á tækjabúnaði rannsóknarstofunnar
• Önnur almenn störf á rannsóknarstofunum

Menntunar- og hæfniskröfur

• B.Sc. í raunvísindum
• Reynsla af HPLC, GC eða PSD mælingum (kostur)
• Reynsla af vinnu í GMP gæðakerfum (kostur)
• Hæfni í mannlegum samskiptum
• Nákvæm, öguð og sjálfstæð vinnubrögð
• Góð tölvukunnátta
• Góð íslensku- og enskukunnátta

Fríðindi

• Mötuneyti

Coripharma er íslenskt nýsköpunarfyrirtæki með um 230 starfsmenn sem byggir á traustum grunni lyfjaþróunar og framleiðslu á Íslandi. Félagið sérhæfir sig í þróun, framleiðslu og útflutningi samheitalyfja ásamt því að sinna verktökuframleiðslu fyrir önnur lyfjafyrirtæki. Frá því að félagið hóf starfsemi árið 2018 hefur það hafið framleiðslu á 22 lyfjum og er með 21 nýtt lyf í þróun. Nánari upplýsingar um Coripharma má finna á www.coripharma.is Með umsókn skal fylgja ferilskrá og kynningarbréf, þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.