Laus störf Hæfnileit Vinnustaðir Námskeið

Skatturinn

Skatturinn fer með álagningu og innheimtu skatta, gjalda og tolla auk þess að sinna eftirliti með skattskilum og viðskiptum og flutningum yfir landamæri.

Vinnustaðurinn

Sérfræðingur á sviði virðisaukaskatts hjá Skattinum

Skatturinn leitar að áhugasömum sérfræðingi til að starfa með öflugum hópi starfsfólks á álagningarsviði í höfuðstöðvum Skattsins í Katrínartúni í Reykjavík. Meginhlutverk álagningarsviðs er að leggja skatta og gjöld á einstaklinga og lögaðila og sinna þeim verkefnum sem því tengjast, þ.m.t. undirbúningi, þjónustu, eftirliti og afgreiðslu erinda og kæra. Gildi Skattsins eru fagmennska, framsækni og samvinna.

Helstu verkefni og ábyrgð

Um fjölbreytt verkefni er að ræða á sviði virðisaukaskatts, m.a. úrlausn flókinna álitaefna, ritun umsagna, samskipti við aðila innan stjórnsýslunnar og aðra hagsmunaaðila, gerð leiðbeininga og úrvinnsla ýmissa gagna sem tengjast starfsemi Skattsins. Um fullt starf er að ræða.

Menntunar- og hæfniskröfur

Háskólamenntun á sviði lögfræði, viðskiptafræði eða hagfræði (lágmarksmenntun er bakkalárgráða, meistaragráða er æskileg)
Þekking á lögum, reglugerðum og framkvæmd er varðar virðisaukaskatt
Þekking á bókhaldi, reikningsskilum, málsmeðferðarreglum og almennri skattframkvæmd er æskileg
Góð greiningarhæfni og færni í miðlun upplýsinga
Gott vald á íslensku og ensku í töluðu og rituðu mál
Skipulögð, nákvæm og sjálfstæð vinnubrögð
Rík þjónustulund, jákvæðni og góðir samskiptahæfileikar
Hreint sakavottorð

Nánari upplýsingar um störfin veitir Stefán Skjaldarson, sviðsstjóri álagningarsviðs,
í síma 442-1000 eða með tölvupósti á netfangið [email protected]

Ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir þarf að fylgja með svo umsókn teljist fullnægjandi.

Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Í boði er áhugavert starf á krefjandi og skemmtilegum vinnustað. Laun eru samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsóknarfrestur er til og með 24. nóvember og verður öllum umsóknum svarað þegar ákvörðun hefur verið tekin um ráðningar. Umsóknir geta gilt í allt að 6 mánuði að loknum umsóknarfresti.

Auglýsing birt10. nóvember 2025

Umsóknarfrestur24. nóvember 2025

Tungumálahæfni