Akraneskaupstaður

Akranes er stærsta sveitarfélag Vesturlands með rúmlega 8.500 íbúa. Hjá Akraneskaupstað starfa tæplega 800 manns í 20 stofnunum. Bærinn rekur tvo grunnskóla, fjóra leikskóla, frístundastörf, búsetukjarna, miðlæga skrifstofu, tónlistarskóla, bókasafn, slökkvilið og byggðasafn svo fátt eitt sé nefnt. Akranes er framsækið sveitarfélag sem hefur jákvæðni, metnað og víðsýni að leiðarljósi í þjónustu og uppbyggingu sveitarfélagsins. Akranes er einstaklega fjölskylduvænt bæjarfélag þar sem gott er að búa og ala upp börn. Bærinn er bæði heilsueflandi og barnvænt samfélag og framfylgir stefnu um slíkt. Það sem einkennir Akranes er flatlendi þess og er því mjög þægilegt að ganga og hjóla um bæinn. Auk þess eru möguleikar til útivistar fjölbreyttir og stutt í ósnortna náttúru.

Vinnustaðurinn

Verkefnastjóri reikningshalds

Við leitum að verkefnastjóra sem hefur metnað til að ná árangri, vinnur sjálfstætt og býr yfir góðri samskiptahæfni. Ef þú hefur gaman af því að vinna með fólki og vilt taka þátt í að skapa jákvæð áhrif í öflugu teymi, þá er þetta starf fyrir þig.

Um fullt starf er að ræða en starfið heyrir undir fjármáladeild á stjórnsýslu- og fjármálasviði sem starfar þvert á önnur svið bæjarins. Fjármáladeild hefur í höndum fjárstýringu, reikningshald, yfirumsjón með fjárhagsáætlun, lánastýringu, umsjón með gjaldskrám og fleira.

Verkefnastjóri reikningshalds ber ábyrgð á bókhaldi Akraneskaupstaðar, stýrir bókhaldsvinnu sveitarfélagsins, gerð uppgjörs, þróun verkferla og stýringu fjárhagsupplýsingakerfa. Fjárhagskerfi Akraneskaupstaðar er Microsoft Dynamics 365 Business Central.

Helstu verkefni og ábyrgð

Yfirumsjón með öllu bókhaldi Akraneskaupstaðar og stofnana bæjarins, eignakerfi, afstemmingu og annarri bókhaldsvinnu
Ábyrgð á skipulagi bókhalds og að vinnubrögð séu í samræmi við lög og viðurkenndar reikningsskilareglur
Yfirumsjón með skráningu reikninga og samþykktum þeirra
Yfirumsjón með virðisaukaskattsmálum
Ýmis uppgjörs- og greiningarvinna
Ábyrgð og umsjón með gerð árshlutauppgjöra og ársreikninga Akraneskaupstaðar og undirfyrirtækja
Samskipti við endurskoðendur vegna ársreiknings
Ráðgjöf og stuðningur við notendur fjárhagskerfis
Ábyrgð á stofnun notenda og aðgangsstýringu í BC
Þátttaka í fjárhagsáætlanagerð og innra eftirliti

Menntunar- og hæfniskröfur

Háskólamenntun sem nýtist í starfi t.d. á sviði fjármála, viðskiptafræði, hagfræði, endurskoðunar eða skyldum greinum
Framhaldsmenntun sem nýtist í starfi er kostur
Þekking og reynsla á færslu, skipulagningu og uppgjöri bókhalds er skilyrði
Þekking á lögum og reglum um bókhald og reikningsskil sveitarfélaga ásamt lögum um virðisaukaskatt er kostur
Reynsla af sambærilegu starfi er kostur
Góð tölvukunnátta og færni í Excel er skilyrði
Góð þekking og reynsla af Business Central (BC) er kostur
Rík þjónustulund, sjálfstæði og skipulögð vinnubrögð
Frumkvæði og metnaður til að ná árangri
Jákvætt viðmót og góð samskiptahæfni

Fríðindi í starfi

Góður og sveigjanlegur vinnustaður
36 stunda vinnuvika
Heilsueflingarstyrkur

Nánari upplýsingar um starfið veitir Kristjana Helga Ólafsdóttir, fjármálastjóri, á netfangið [email protected] eða í síma 433-1000.

Umsóknum skal fylgja ítarleg náms- og starfsferilsskrá, auk kynningarbréfs þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Launakjör eru samkvæmt gildandi samningum Sambands íslenskra sveitarfélaga við viðkomandi stéttarfélag.

Auglýsing birt3. nóvember 2025

Umsóknarfrestur17. nóvember 2025

Tungumálahæfni

Íslenska

Nauðsyn

Mjög góð

Enska

Nauðsyn

Meðalhæfni

Staðsetning

Dalbraut 4, 300 Akranes

Starfstegund

Hæfni

AfstemmingÁreiðanleikiÁrsreikningarFagmennskaFrumkvæðiJákvæðniMicrosoft Dynamics 365 Business CentralSjálfstæð vinnubrögðUppgjörVinna undir álagiÞjónustulund

Vinnuumhverfi

Starfsgreinar

Starfsmerkingar

Fleiri störf (1)

Starfsmaður á skipulags- og umhverfissvið

Akraneskaupstaður

Sambærileg störf (12)