Salesforce Sérfræðingur / Forritari

Við leitum að reyndum og lausnamiðuðum Salesforce sérfræðingi til að starfa við ráðgjöf og þróun á Salesforce umhverfi Sýnar og tengdum lausnum. Starfið felur í sér þróun og ráðgjöf við innleiðingu á stafrænum viðskiptaferlum fyrir starfsfólk og viðskiptavini Sýnar. Verkefnin eru fjölbreytt og unnin í náinni samvinnu við þróunarteymi, viðskiptadeildir og sérfræðinga í einingum Sýnar til að tryggja að vörur og viðskiptaferlar standist bæði tæknilegar og viðskiptalegar kröfur. Viðkomandi mun tilheyra Upplýsingatæknisviði en á sviðinu starfa metnaðarfull teymi sem sérhæfa sig í hugbúnaðartengdum verkefnum Sýnar.

Helstu verkefni og ábyrgð

• Ráðgjöf og þróun á lausnum sem tengjast Salesforce vegferð Sýnar.
• Einföldun og sjálfvirknivæðing viðskiptaferla.
• Samþætting Salesforce við önnur kerfi Sýnar.
• Þátttaka í mótun vörusýnar og stefnu.
• Tryggja gæði og öryggi lausna.

Menntunar- og hæfniskröfur

• Háskólamenntun í tölvunarfræði, verkfræði eða önnur sambærileg menntun.
• Yfirgripsmikil þekking og reynsla af forritun í Salesforce umhverfinu eða sambærilegum lausnum.
• Reynsla af ráðgjöf, þróun og innleiðingu viðskiptaferla.
• Þekking eða reynsla á Mulesoft er kostur.
• Framúrskarandi skipulagshæfni og hæfni í mannlegum samskiptum.
• Lausnamiðað hugafar og sveigjanleiki.
• Hæfni til að vinna sjálfstætt sem og hluti af teymi.
• Góð færni í ensku, bæði í rituðu og töluðu máli.

Við hvetjum áhugasama af öllum kynjum til að sækja um starfið. Umsóknarfrestur er til og með 04. maí nk. Nánari upplýsingar veitir Kristinn Vignisson, deildarstjóri Hugbúnaðarþróunar, [email protected]

Einungis er tekið á móti umsóknum í gegnum ráðningavefinn okkar.

Hvað höfum við að bjóða þér?

Frábæra vinnufélaga

Framúrskarandi vinnuaðstöðu

Spennandi verkefni

Sveigjanlegt og fjölskylduvænt vinnuumhverfi

Möguleika á starfsþróun

Mötuneyti á heimsmælikvarða

Internet- og farsímaáskrift auk sérkjara af sjónvarpsþjónustu

Árlegan heilsustyrk

Árlegan símtækjastyrk

Samgöngustyrk fyrir þá sem nýta sér vistvæna ferðamáta til og frá vinnu

Öflugt starfsmannafélag og frábæra vinnustaðamenningu

Hver erum við?

Sýn er leiðandi fyrirtæki á sviði fjarskipta og fjölmiðlunar á Íslandi. Undir Sýn heyra vörumerkin Vodafone, Stöð 2, Vísir, Bylgjan, FM957, X-977, Stöð 2 Sport og dótturfélagið Endor. Hjá okkur starfar samheldinn hópur fólks sem leitast stöðugt við að veita viðskiptavinum okkar framúrskarandi þjónustu.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.