RHA - Rannsóknamiðstöð Háskólans á Akureyri

RHA - Rannsóknamiðstöð Háskólans á Akureyri er sjálfstæð eining innan Háskólans á Akureyri (HA) og hefur verið starfandi frá árinu 1992. Hlutverk okkar hefur frá upphafi verið að: - Efla rannsóknir við HA - Gefa út og kynna niðurstöður rannsókna við HA - Styrkja tengsl HA við atvinnulífið - Hafa samstarf við innlenda og erlenda rannsóknaaðila - Veita upplýsingar og ráðgjöf - Standa fyrir málstofum, fyrirlestrum og ráðstefnum - Stunda þjónusturannsóknir Starfsfólk RHA er vel menntað á margvíslegum sviðum og þar af leiðandi getum við tekið að okkur fjölbreytt verkefni. Gott aðgengi er að akademískum starfsfólki HA sem eykur mjög getu okkar á ólíkum fagsviðum. Viðskiptavinir okkar og samstarfsaðilar er fjölbreyttur hópur sem tekur sífelldum breytingum. Rannsóknaáherslur og þörf fyrir rannsóknir taka mið af því hvernig samfélagið þróast og breytist á hverjum tíma. Afrakstur rannsókna RHA er almennt aðgengilegur á vefsíðu miðstöðvarinnar í rafrænu formi (flokkað eftir árum). Við leitumst við að aðlaga okkur að þörfum Háskólans á Akureyri og samfélagsins í víðum skilningi. Við erum opin fyrir hvers kyns samstarfi og leitum leiða til að greiða götu þeirra sem hafa hug á að nýta þjónustu okkar á sviði rannsókna. Hafa má samband á [email protected] í s. 460-8900 eða beint til einstakra starfsmanna.

Vinnustaðurinn

RHA - Sérfræðingur við rannsóknir

RHA Rannsóknamiðstöð Háskólans á Akureyri auglýsir laust til umsóknar 100% starf sérfræðings við rannsóknir. Starfið er laust frá 1. september 2025 eða eftir nánara samkomulagi. Starfsstöðin er á Akureyri.

RHA er sjálfstæð eining innan Háskólans á Akureyri sem aflar sér einkum tekna með rannsóknaverkefnum og ráðgjöf fyrir ýmsa aðila innanlands sem utan. Hlutverk RHA er að efla rannsóknastarfsemi við Háskólann á Akureyri og styrkja tengsl hans við atvinnulífið. Einnig að vinna að þróun nýrra verkefna innan háskólans og koma þeim í réttan farveg. Næsti yfirmaður er forstöðumaður RHA. Sjá nánar á vefslóð www.rha.is.

Helstu verkefni og ábyrgð

Starfið felur í sér vinnu við rannsóknir á sviði félagsvísinda- og samfélagsrannsókna auk annars sem til fellur.

Menntunar- og hæfniskröfur

Meistaragráða í félagsvísindum, landfræði, hagfræði eða öðrum greinum sem nýtast í starfi er skilyrði. Doktorspróf er kostur.
Góð þekking á eigindlegri og megindlegri aðferðafræði, skýrsluskrifum og framsetningu niðurstaðna.
Reynsla af þátttöku í innlendum og alþjóðlegum rannsóknarverkefnum er kostur.
Góð almenn tölvukunnátta og kunnátta í einu eða fleiri tölfræðiforritum er skilyrði.
Jákvæðni og framúrskarandi hæfni í mannlegum samskiptum.
Mjög gott vald á íslensku og ensku í ræðu og riti er skilyrði.
Góðir skipulagshæfileikar og geta til að vinna sjálfstætt og í teymi.
Við mat á umsóknum er tekið mið af hversu vel viðkomandi uppfyllir þarfir RHA.