Rekstrarstjóri óskast

Við leitum að öflugum og drífandi rekstrarstjóra til að hafa yfirumsjón með daglegum rekstri tveggja veitingastaða á Akureyri.

Um er að ræða lykilstarf fyrir einstakling sem hefur gaman af því að vinna með fólki, er skipulagður og lausnamiðaður og hefur metnað til að tryggja að reksturinn gangi vel frá degi til dags.

Við leitum að einstaklingi sem er tilbúinn að taka ábyrgð, sýna frumkvæði og vera leiðandi í daglegum rekstri. Rekstrarstjóri vinnur náið með eigendum og starfsfólki og sér til þess að gæði, þjónusta og vinnubrögð séu ávallt í samræmi við þær kröfur sem við setjum okkur.

Helstu verkefni og ábyrgð

• Yfirumsjón með daglegum rekstri tveggja veitingastaða á Akureyri
• Stjórnun, stuðningur og eftirfylgni með starfsfólki
• Vaktaskipulag og mönnun staðanna
• Að tryggja að daglegur rekstur gangi vel og bregðast hratt við þegar upp koma óvænt verkefni
• Eftirfylgni með gæða- og þjónustukröfum
• Að tryggja góð vinnubrögð, hreinlæti og rétta meðhöndlun hráefnis
• Þjálfun og móttaka nýs starfsfólks
• Að stuðla að góðum starfsanda og öflugu samstarfi innan teymisins
• Að koma auga á tækifæri til að bæta verklag, þjónustu og rekstur
• Regluleg upplýsingagjöf og gott samstarf við eigendur

Við leitum að einstaklingi sem:

• Er jákvæður, lausnamiðaður og ábyrgur
• Hefur sterka skipulagshæfni og góða yfirsýn
• Er góður stjórnandi sem getur bæði gert kröfur og stutt starfsfólkið sitt
• Er sjálfstæður í vinnubrögðum og sýnir frumkvæði
• Á auðvelt með samskipti og að vinna með ólíku fólki
• Getur forgangsraðað verkefnum og haldið ró sinni þegar mikið er að gera
• Hefur auga fyrir smáatriðum og leggur metnað í gæði
• Er tilbúinn að grípa inn í þar sem þörf er á og lætur hlutina gerast

Reynsla af stjórnun, veitingarekstri eða sambærilegu rekstrarumhverfi er mikill kostur. Við horfum þó ekki síður til persónulegra eiginleika, leiðtogahæfni og þess að viðkomandi hafi metnað til að taka þátt í að byggja upp sterkan og vel rekinn rekstur.

Við bjóðum

Um er að ræða ábyrgt og fjölbreytt starf með miklu sjálfstæði, þar sem réttur einstaklingur fær tækifæri til að hafa raunveruleg áhrif á daglegan rekstur og áframhaldandi uppbyggingu staðanna.

Góð laun eru í boði fyrir réttan aðila, í samræmi við reynslu, hæfni og ábyrgð starfsins.

Ef þú ert manneskjan sem sér lausnir frekar en vandamál, hefur gaman af því að leiða fólk og færð ánægju út úr því að sjá vel skipulagðan rekstur ganga smurt fyrir sig, þá viljum við gjarnan heyra frá þér.

Starfsstöð: Akureyri
Starfshlutfall: Fullt starf

Sendu okkur stutta kynningu á þér ásamt ferilskrá og upplýsingum um fyrri reynslu.