atNorth

atNorth hefur frá 2009 verið brautryðjandi í hönnun, uppbyggingu og rekstri hátæknigagnavera á Íslandi, Svíþjóð, Finnlandi og Danmörku. Meðal viðskiptavina atNorth eru alþjóðleg fyrirtæki og stofnanir sem starfa í fjölmörgum greinum, svo sem við rannsóknir, í heilbrigðisgeiranum, í fjármálaiðnaði og veðurfræði, sem nýta þjónustu atNorth til þess að vinna gögn með hámarks afköstum á hagkvæman og umhverfisvænan hátt. Með staðsetningu gagnavera atNorth á Norðurlöndunum getur fyrirtækið nýtt umhverfisaðstæður svo sem loftslag og nýtingu hita sem myndast í gagnaverunum til að ná fram betri orkunýtingu en þekkist annars staðar við rekstur gagnavera, ásamt því að knýja gagnaverin með endurnýjanlegri orku. Hringrásarhagkerfið sem byggir á grunni endurnýjanlegrar orku og hagkvæmrar orkunýtingar er haft að leiðarljósi við hönnun gagnavera atNorth. Höfuðstöðvar atNorth eru í Reykjavík, en fyrirtækið rekur sjö gagnaver á Norðurlöndum. Á árinu 2024 verða tvö ný gagnver tekin í notkun í Finnlandi og Danmörku. Frekari upplýsingar um atNorth er að finna á heimasíðu fyrirtækisins atnorth.com og eins má fylgja atNorth á Linkedin og Facebook.

Vinnustaðurinn

People and Culture Manager

atNorth hefur vaxið hratt og er fjöldi starfsfólks kominn yfir 100 á Íslandi. Nú er komið að því að ráða reynslumikinn leiðtoga til liðs við öflugt mannauðsteymi félagsins.

Viðkomandi mun vinna náið með stjórnendum á alþjóðavísu og sinna lykilhlutverki í mannauðsteymi bæði hérlendis og erlendis. Við leitum að aðila með þekkingu á íslenskum vinnurétti, reynslu af ráðningum og getu til að styðja við áframhaldandi þróun og eflingu mannauðs.

Starfsstöð viðkomandi er í Hafnarfirði, en starfinu fylgja ferðalög bæði innanlands sem utan. Við leitum því að aðila sem nýtur þess að starfa í alþjóðlegu og hröðu umhverfi. Töluð er enska á vinnustaðnum. Stjórnandi mannauðs og menningar á Íslandi heyrir undir Director of People and Culture í Svíþjóð.

Helstu verkefni og ábyrgð

Ráðgjöf og stuðningur við stjórnendur á Íslandi og á Norðurlöndum
Leiða og þróa mannauðsstefnu félagsins
Stuðla að jákvæðri vinnustaðamenningu
Vinna náið með nýjum stjórnendum og tryggja að þeir tileinki sér menningu, verkfæri og ferla atNorth
Styðja við ráðningarferli félagsins í samstarfi við stjórnendur
Tryggja samræmi milli hæfileikaþarfa og langtímaáætlana auk þátttöku í viðburðum til að laða að nýja starfsmenn
Bæta og straumlínulaga mannauðsferla

Menntunar- og hæfniskröfur

Að minnsta kosti 7-10 ára reynsla í mannauðsmálum, helst sem mannauðsstjóri, mannauðsráðgjafi eða í öðru stefnumótandi hlutverki
Framúrskarandi leiðtogahæfileikar
Farsæl reynsla af ráðgjöf til stjórnenda og stjórnendaþjálfun
Reynsla af ráðningum
Traust þekking á vinnurétti á Íslandi, þekking á vinnurétti annarra Norðurlanda er kostur
Samskiptahæfni á íslensku og ensku

Sótt er um starfið á heimasíðu Hagvangs, www.hagvangur.is. Vinsamlegast látið ferilskrá á ensku fylgja með umsókninni. Við hvetjum þig til að sækja um sem fyrst þar sem farið verður yfir umsóknir þegar þær berast. Upplýsingar veitir Stefanía Hildur Ásmundsdóttir - [email protected]

Auglýsing birt11. september 2025

Umsóknarfrestur3. október 2025

Tungumálahæfni