Laus störf Hæfnileit Vinnustaðir Námskeið

MT Ísland

## Um MT Ísland MT Ísland er íslenskt þjónustu- og sérfræðifyrirtæki á sviði raka, myglu, tjóna og viðhalds fasteigna. Fyrirtækið var stofnað árið 2019 af danska fyrirtækinu Midtfyns Totalservice og byggir því á yfir 25 ára reynslu og þekkingu á greiningu og meðhöndlun raka- og mygluskemmda ásamt viðgerðum vegna vatns- og brunatjóna. Frá stofnun hefur MT Ísland vaxið hratt og í dag starfa um 30 manns hjá og í kringum fyrirtækið á fjölbreyttum fagsviðum. Við leggjum áherslu á að geta veitt viðskiptavinum heildstæða þjónustu – allt frá fyrstu skoðun og greiningu á vandamáli yfir í úrbætur, viðgerðir og frágang. Meðal verkefna okkar eru raka- og mygluskoðanir, rakamælingar, ástandsskoðanir fasteigna, sýnatökur og greiningar, hreinsun vegna myglu og annarra mengunarefna ásamt viðgerðum og enduruppbyggingu eftir vatns- og brunatjón. Viðskiptavinir MT Ísland eru einstaklingar, fyrirtæki, tryggingarfélög og opinberir aðilar, auk nokkurra af stærstu fasteigna- og leigufélögum landsins. MT Ísland er í örum vexti og markmið okkar er að byggja upp öflugt teymi fagfólks og vera leiðandi fyrirtæki á Íslandi á okkar sérsviðum. Við leggjum áherslu á fagmennsku, vönduð vinnubrögð, góða þjónustu og að starfsfólk fái tækifæri til að þróast og vaxa með fyrirtækinu.

Vinnustaðurinn

Óskum eftir málara til starfa sem fyrst.

Vegna áframhaldandi vaxtar og aukinna verkefna leitar MT Ísland ehf. að reynslumiklum málara til framtíðarstarfa. Við leitum að faglegum, sjálfstæðum og metnaðarfullum einstakling sem vill verða hluti af öflugu teymi þar sem lögð er áhersla á gæði, fagmennsku og góðan starfsanda.

Æskilegt er að viðkomandi geti hafið störf sem fyrst.

MT Ísland ehf. er leiðandi þjónustufyrirtæki á sviði tjónaviðgerða og rakaskemmda með starfsstöð í Kópavogi. Fyrirtækið sérhæfir sig í greiningu, viðgerðum og enduruppbyggingu fasteigna eftir tjón af völdum raka og myglu auk þess að sinna fjölbreyttum verkefnum sem tengjast vatns og brunatjónum fyrir tryggingafélög.

Hjá MT Ísland færð þú tækifæri til að vinna að fjölbreyttum og krefjandi verkefnum með reynslumiklu teymi þar sem öryggi, fagmennska og vönduð vinnubrögð eru höfð að leiðarljósi.

Helstu verkefni og ábyrgð