Laus störf Hæfnileit Vinnustaðir Námskeið

atNorth

atNorth hefur frá 2009 verið brautryðjandi í hönnun, uppbyggingu og rekstri hátæknigagnavera á Íslandi, Svíþjóð, Finnlandi og Danmörku. Meðal viðskiptavina atNorth eru alþjóðleg fyrirtæki og stofnanir sem starfa í fjölmörgum greinum, svo sem við rannsóknir, í heilbrigðisgeiranum, í fjármálaiðnaði og veðurfræði, sem nýta þjónustu atNorth til þess að vinna gögn með hámarks afköstum á hagkvæman og umhverfisvænan hátt. Með staðsetningu gagnavera atNorth á Norðurlöndunum getur fyrirtækið nýtt umhverfisaðstæður svo sem loftslag og nýtingu hita sem myndast í gagnaverunum til að ná fram betri orkunýtingu en þekkist annars staðar við rekstur gagnavera, ásamt því að knýja gagnaverin með endurnýjanlegri orku. Hringrásarhagkerfið sem byggir á grunni endurnýjanlegrar orku og hagkvæmrar orkunýtingar er haft að leiðarljósi við hönnun gagnavera atNorth. Höfuðstöðvar atNorth eru í Reykjavík, en fyrirtækið rekur átta gagnaver á Norðurlöndum. Frekari upplýsingar um atNorth er að finna á heimasíðu fyrirtækisins atnorth.com og eins má fylgja atNorth á Linkedin og Facebook.

Vinnustaðurinn

Öryggisstjóri (HSE Manager)

atNorth leitar að kraftmiklum og lausnamiðuðum öryggisstjóra, HSE Manager, í gagnaver félagsins á Reykjanesi. Starfið hentar einstaklingi með reynslu og menntun á sviði rafvirkjunar sem hefur brennandi áhuga á öryggismálum, heilsu og umhverfi, og vill taka virkan þátt í að efla örugga, faglega og ábyrga vinnustaðamenningu. HSE Manager gegnir lykilhlutverki í daglegri eftirfylgni með öryggisferlum, áhættumati, frávikum og úrbótum, auk þess að styðja starfsfólk og verktaka í að vinna samkvæmt lögum, reglum og bestu starfsvenjum.

Helstu verkefni og ábyrgð

Stuðla að öryggi á vinnustaðnum og að unnið sé í samræmi við lög og reglugerðir
Áætlanir, úrbætur og eftirfylgni í tengslum við frávik og verkferla
Öryggiseftirlit og úttektir með áherslu á rafmagnsöryggi
Leiða, þjálfa og styðja starfsfólk í tengslum við öryggismál, með áherslu á lág- og háspennu
Áhættumat og flokkun áhættu
Uppsetning, eftirlit og viðhald rafkerfa
Verkefni tengd rafvirkjun.
Vinna að stöðugum endurbótum og þróun öryggisferla og aðferða í nánu samstarfi við starfsfólk og verktaka

Menntunar- og hæfniskröfur

Menntun og reynsla í rafvirkjun, rafmagnstæknifræði eða sambærilegu
Önnur menntun sem nýtist í starfi er kostur
Haldbær reynsla af verkefnum tengdum öryggis-, heilsu- og umhverfismálum
Þekking á lögum og regluverki í tengslum við öryggismál
Mjög góð samskipta- og leiðtogahæfni
Nákvæm og skipulögð vinnubrögð
Góð enskukunnátta bæði í ræðu og riti

atNorth er leiðandi norrænt fyrirtæki á sviði gagnaversþjónustu sem býður upp á sjálfbæra og hagkvæma ofurtölvuþjónustu fyrir mörg af fremstu tæknifyrirtækjum heims. Höfuðstöðvar atNorth eru í Hafnarfirði en fyrirtækið rekur starfsemi þvert á Norðurlöndin.

Hjá atNorth koma saman framúrskarandi tækniþekking og vinnustaðamenning sem byggir á samvinnu, ábyrgð og trausti. Fyrirtækið leggur áherslu á að starfsfólk fái tækifæri til að þróast í starfi, taka frumkvæði og hafa raunveruleg áhrif á starfsemina.

Með því að ganga til liðs við alþjóðlegt teymi atNorth færð þú tækifæri til að taka þátt í mótun framtíðar sjálfbærra stafrænna innviða. Frekari upplýsingar um atNorth er að finna á heimasíðu fyrirtækisins www.atnoth.com

Auglýsing birt1. október 2026

Umsóknarfrestur14. október 2026

Tungumálahæfni