Reykjanesbær

Reykjanesbær er fjölskylduvænn bær sem þroskar og nærir hæfileika allra í gegnum öflugt skóla-, íþrótta-, og menningarstarf. Íbúar sinna fjölbreyttum störfum í vistvænu fjölmenningarsamfélagi sem einkennist af framsækni, eldmóði og virðingu. Reykjanesbær hefur að markmiði að hafa ávallt á að skipa hæfum og ánægðum starfsmönnum sem geta sýnt frumkvæði í störfum sínum og veitt bæjarbúum framúrskarandi þjónustu. Það er sameiginlegt verkefni starfsmanna og stjórnenda sveitarfélagsins að veita bæjarbúum sem allra besta þjónustu og sú samvinna byggir á gagnkvæmu trausti og virðingu fyrir ólíkum sjónarmiðum.

Vinnustaðurinn

Menntasvið Reykjanesbæjar óskar eftir sálfræðingi

Reykjanesbær leitar að metnaðarfullum sálfræðingi til að bætast í öflugan hóp sérfræðinga í skólaþjónustu á skrifstofu menntasviðs. Skólaþjónustan starfar í þverfaglegu og sveigjanlegu starfsumhverfi þar sem samvinna, faglegt starf og farsæld í þágu barna og fjölskyldna þeirra eru í forgrunni.
Starfsfólk Reykjanesbæjar vinnur samkvæmt grunngildum bæjarins, virðingu, eldmóði og framsækni, með það að markmiði að veita íbúum bæjarins framúrskarandi þjónustu á hverjum tíma. Menntastefna sveitarfélagsins, Með opnum hug og gleði í hjarta, endurspeglar skýra sýn þar sem börn eru í forgangi, fjölbreytileiki er styrkur og faglegt menntasamfélag er grundvöllur árangurs.

Helstu verkefni og ábyrgð

Sálfræðilegar athuganir á börnum í leik- og grunnskólum
Fræðsla og ráðgjöf til foreldra og starfsfólks í skóla vegna einstaklinga og/eða hópa
Þátttaka í þverfaglegu teymi skólaþjónustu
Samstarf við aðra þjónustuveitendur í þágu farsældar barna

Menntunar- og hæfniskröfur

Sálfræðimenntun og starfsleyfi til að starfa sem sálfræðingur á Íslandi
Þekking og reynsla á sálfræðilegum athugunum og ráðgjöf vegna barna á leik- og grunnskólaaldri
Skipulagshæfni, sjálfstæði og frumkvæði
Góð hæfni í íslensku, töluðu og rituðu máli
Jákvætt viðhorf, lausnamiðuð hugsun og leikni í mannlegum samskiptum
Hreint sakavottorð

Fríðindi í starfi

Bókasafnskort
Gjaldfrjáls aðgangur að menningarhúsum
Gjaldfrjáls aðgangur í sund
Gjaldfrjáls aðgangur í strætó

Ráðning í starfið er ótímabundin. Upphaf starfs er eftir samkomulagi. Launakjör eru í samræmi við samning Sambands íslenskra sveitarfélaga og viðeigandi stéttarfélags.
Sótt er um á vef Reykjanesbæjar, www.reykjanesbaer.is, undir Laus störf. Umsóknum skal fylgja ferilskrá ásamt kynningarbréfi með rökstuðningi um hæfni viðkomandi í starfið, ásamt upplýsingum um umsagnaraðila. Öllum umsóknum verður svarað.
Áhugasamir einstaklingar, án tillits til kyns, eru hvattir til að sækja um.

Frekari upplýsingar um starfið veitir Einar Trausti Einarsson yfirsálfræðingur, í gegnum netfang [email protected] og í síma 421-6700.

Auglýsing birt22. maí 2025

Umsóknarfrestur9. júní 2025

Tungumálahæfni