Matráður óskast til starfa
Heilsuvernd Hjúkrunarheimili rekur tvenn hjúkrunarheimili á Akureyri. Hjá Heilsuvernd Hjúkrunarheimilum fer fram fjölbreytt og áhugaverð starfsemi í öldrunarþjónustu sem er í stöðugri þróun. Á hjúkrunarheimilunum er rekin dagþjónusta, mötuneyti, þvottahús, auk þess sem meðal annars er boðið upp á iðjuþjálfun, sjúkraþjálfun, fjölbreytt félagsstarf og læknisþjónustu. Unnið er eftir Eden hugmyndafræðinni með áherslu á sjálfstæði, góðan heimilisbrag og lífsgæði íbúanna. Markmið allrar þjónustu sem veitt er á Heilsuvernd Hjúkrunarheimilunum er að tryggja öryggi og vellíðan íbúa og standa vörð um sjálfsmynd þeirra og sjálfsvirðingu.
Heilsuvernd Hjúkrunarheimili óska eftir að ráða matráð í 80% -90% starfshlutfall. Við leggjum áherslu á jákvæðni og góð samskipti, lipurð í þjónustu og einlægan áhuga á starfi í þjónustu við aldraða.
Hjá Heilsuvernd leggjum við okkur fram um að skapa glaðlegt og gott vinnuumhverfi, auk þess sem við leggjum mikinn metnað í að veita framúrskarandi þjónustu.
- Gengur í almenn eldhússtörf eftir þörfum hverju sinni
- Aðstoðar við framreiðslu, matagerð, frágang vöru og þrif eftir matmálstíma
- Matráður þarf að hafa lokið matartækninámi eða námskeiðum sem nýtast í starfi
- Reynsla af störfum í eldhúsi
- Góð samskiptahæfni
- Þolinmæði og sveigjanleiki
- Færni í almennri tölvunotkun
- Sjálfstæði í starfi
- Reynsla og áhugi á að starfa í teymi
- Umsækjendur þurfa að geta talað og skilið íslensku
Enska
Íslenska
