Mánahvoll óskar eftir leikskólakennurum

Viltu taka þátt í þróun náms fyrir yngstu börn leikskólans?

Mánahvoll er nýr ungbarnaleikskóli í Garðabæ. Starfsemin byggir m.a. á þróunarverkefni sem unnið hefur verið að undanfarin 3 ár með Háskóla Íslands um nám yngstu barna leikskólans. Meðal markmiða þess verkefnis er að skapa sérþekkingu á samskipta- og tjáningarmáta barna og móta áherslur námsumhverfisins í samræmi við það. Dagskipulagið byggir á þörfum barnanna og leiðum til að tryggja vellíðan þeirra. Áhugasömum gefst tækifæri til að starfa í lærdómssamfélagi þar sem sjónum er beint að faglegri þróun.