Deildarstjóri - Leikskólinn Hvammur

Leikskólinn Hvammur leitar að deildarstjóra í 100% starf.

Hvammur er 6 deilda leikskóli á skjólsælum og fallegum stað við Staðarhvamm 23 í Hafnarfirði, rétt ofan við Suðurbæjarlaug.

Einkunnarorð leikskólans eru jákvæð samskipti, jafnrétti og vinátta.

Leikskólar Hafnarfjarðar hafa innleitt betri vinnutíma sem miðast við 36 stunda vinnuviku fyrir allt starfsfólk. Starfsfólk í Félagi leikskólakennara og Þroskaþjálfafélaginu hefur kosið fyrirkomulag sem felur í sér að starfsár þeirra er sambærilegt starfsári grunnskólakennara. Þessir starfsmenn taka því út vinnutímastyttingu í kringum jól og áramót, þegar vetrarfrí er í grunnskólum, í dymbilviku og með lengri fjarveru á sumrin.

Helstu verkefni og ábyrgð:

• Vinnur að og ber ábyrgð á uppeldi og menntun leikskólabarna samkvæmt starfslýsingu deildarstjóra
• Ber ábyrgð á stjórnun, skipulagningu, framkvæmd og mati starfsins á deildinni
• Annast daglega verkstjórn á deildinni og ber ábyrgð á miðlun upplýsinga
• Ber ábyrgð á að unnið sé eftir skólanámskrá og að öll börn fái kennslu og umönnun við hæfi
• Ber ábyrgð á allri foreldrasamvinnu
• Önnur verkefni samkvæmt starfslýsingu og sem yfirmaður felur starfsmanni.

Menntunar- og hæfniskröfur:

• Starfsleyfi sem kennari (leyfisbréf fylgi umsókn)
• Reynsla af starfi deildarstjóra í leikskóla er kostur/æskileg
• Reynsla af uppeldis- og kennslustörfum með ungum börnum æskileg
• Góð færni í samskiptum
• Frumkvæði í starfi og faglegur metnaður
• Sjálfstæð og skipulögð vinnubrögð
• Góð íslenskukunnátta, C1 tungumálastaðall ETM Sjálfsmatsrammi (coe.int)

Fríðindi í starfi:

• Heilsuræktarstyrkur
• 75% afsláttur af leikskólagjöldum
• Forgangur á leikskóla
• Bókasafnskort
• Sundkort
• Samgöngustyrkur

Fáist ekki starfsmaður með leyfisbréf til kennslu, kemur til greina að ráða háskólamenntaðan einstakling eða einstakling með reynslu af starfi með börnum, sbr. lög nr. 95/2019. Við hvetjum áhugasama til að sækja um, þó þeir hafi ekki kennsluréttindi.

Skilyrði er að viðkomandi hafi hreint sakavottorð.

Nánari upplýsingar um starfið veitir Guðrún Edda Bjarnadóttir, aðstoðarleikskólastjóri, [email protected]

Launakjör eru samkvæmt kjarasamningi Hafnarfjarðarbæjar við Sambands íslenskra sveitarfélaga og KÍ v/ Félags leikskólakennara.

Umsóknarfrestur er til og með 1. október 2026

Ferilskrá og leyfisbréf kennara fylgi umsókn.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.